Sarfaraz Khan
Sarfaraz Khan responds to India selection snub with a century: माजी विजेत्या मुंबई संघाने रणजी करंडक स्पर्धेत सलग दुसऱ्या विजयाची नोंद केली. हिमाचल प्रदेशविरुद्धचा सामना मुंबईने एक डाव व ९७ धावांनी जिंकला. २०२४ पासून भारताच्या कसोटी संघात पुनरागमनाची प्रतीक्षा पाहणारा सर्फराज खान या सामन्यात चमकला. त्याने २२८ चेंडूंत १९ चौकारांसह १५४ धावांची खेळी करताना संघाला मजबूत स्थिती मिळवून दिली. आकाश आनंदनेही ११७ धावांची खेळी करून त्याला साथ दिली. त्यानंतर गोलंदाजांनी कमाल करताना हिमाचल प्रदेशचा डाव गुंडाळला.
