Anant Radhika Pre Wedding : अनंत-राधिकाच्या प्रीवेडिंग! मुंबई इंडियन्सचा 'माजी' कर्णधार रोहितही पोहचला जामनगरमध्ये

Anant Radhika Pre Wedding Rohit Sharma : मुकेश अंबानीचे सर्वात छोटे सुपूत्र अनंत अंबानी आणि प्रसिद्ध उद्योगपती विरेन मर्चंट यांची मुलगी राधिका यांचे प्रीवेडिंग जामनगर येथे आयोजित करण्यात आले आहे. या कार्यक्रमासाठी जगभरातील सेलिब्रेटी जामनगर येथे दाखल होत आहेत. शुक्रवापासून सुरू झालेलं हे प्रीवेडिंग तीन दिवस सुरू राहणार आहे.

या कार्यक्रमासाठी हॉलीवूड, बॉलीवूडच्या कलाकारांसह अनेक क्रिकेटपटूंनीही देखील उपस्थिती दर्शवली आहे. यात सचिन तेंडुलकर, महेंद्रसिंह धोनी, हार्दिक पांड्या देखील उपस्थित राहिले. मात्र सर्वांची नजर एकाच व्यक्तीवर खिळली. तो म्हणजे रोहित शर्मा! (Cricket News In Marathi)

भारताचा कर्णधार रोहित शर्मा पत्नी रितिकासोबत जामनगरमध्ये प्रीवेडिंग सोहळ्याला उपस्थिती लावली आहे. आज मुंबई इंडियन्सचा दुसरा स्टार खेळाडू सूर्यकुमार यादव, जहीर खान देखील जामनगरमध्ये पोहचले होते. सूर्यकुमार यादव हा 2018 पासून मुंबई इंडियन्सकडून खेळतोय. तो मुंबईचा एक महत्वाचा खेळाडू आहे.

याचबरोबर अफगाणिस्तानचा फिरकीपटू राशिद खान देखील जामनगरमध्ये दाखल झाला आहे. जहीर खान हा पत्नी सागरिका घाटगे सोबत उपस्थित आहे.

सध्या बीसीसीआयचा वार्षिक करार रद्द झाल्याने चर्चेत असलेला इशान किशन देखील अनंत-राधिकाच्या प्रीवेडिंग सोहळ्याला उपस्थित आहे. इशान किशनने आपली आयपीएल कारकीर्दच मुंबई इंडियन्सपासून सुरू केली आहे. तो अजूनही मुंबई इंडियन्सचा एक महत्वाचा खेळाडू आहे.

(Sports Latest News)