Ross Taylor : ४१ व्या वर्षी निवृत्ती घेतली मागे, न्यूझीलंडकडून नव्हे तर दुसऱ्याच संघाकडून खेळणार दिग्गज

Ross Taylor comes out of retirement to play for Samoa : न्यूझीलंडचा ४१ वर्षीय फलंदाज रॉस टेलर याने तीन वर्षांनंतर निवृत्ती मागे घेतली आहे, परंतु तो दुसऱ्याच संघाकडून खेळणार आहे. त्याच्या आईचं माहेर असलेल्या सामोआ संघाचे तो प्रतिनिधित्व करणार आहे. आगामी आशिया-पूर्व आशिया-पॅसिफिक ट्वेंटी-२० वर्ल्ड कप २०२६ पात्रता स्पर्धेत तो सामोआचे प्रतिनिधित्व करणार आहे. ओमान येथे होणाऱ्या या स्पर्धेत खेळून टेलर सामोआ संघाला पुढील वर्षी होणाऱ्या ट्वेंटी-२० वर्ल्ड कपची पात्रता मिळवून देण्यासाठी प्रयत्न करणार आहे. शुक्रवारी जाहीर करण्यात आलेल्या १५ सदस्यीय संघात टेलरच्या नावाचा समावेश आहे.