Sakal Global Athlon: युवा क्रिकेटपटूंना मिळणार आंतरराष्ट्रीय अनुभव; आयर्लंड दौऱ्याची संधी, ‘सकाळ’ व ‘पाथवे फाउंडेशन’चा उपक्रम

पुणे : राज्यातील १६ आणि १९ वर्षांखालील उदयोन्मुख क्रिकेटपटूंना आंतरराष्ट्रीय स्तरावर खेळण्याचा अनुभव मिळावा, यासाठी ‘सकाळ ग्लोबल अॅथलॉन - आयर्लंड क्रिकेट टूर’ आयोजित केली आहे..या उपक्रमांतर्गत निवडक क्रिकेटपटूंच्या संघाला आयर्लंड दौऱ्यावर नेण्यात येणार आहे. तेथील स्थानिक संघांविरुद्ध सामने खेळण्याची अनोखी संधी युवा क्रिकेटपटूंना मिळणार असून, दौऱ्यासाठी आता मोजक्याच जागा शिल्लक आहेत..‘सकाळ माध्यम समूह’ आणि ‘पाथवे फाउंडेशन’तर्फे उपक्रम राबविण्यात येत आहे. त्यामध्ये १६ वर्षांखालील संघाचा दौरा २८ जून ते नऊ जुलै २०२६ आणि १९ वर्षांखालील संघाचा दौरा १२ ते २३ जुलै २०२६ या कालावधीत होणार आहे. खेळाडूंना ‘प्रथम येणाऱ्यास प्रथम प्राधान्य’ तत्त्वावर संधी दिली जाणार आहे. त्यासाठी कोणतेही निवड चाचणीचे निकष ठेवलेले नाहीत..दोन्ही संघांतील खेळाडूंसाठी दौऱ्याचे शुल्क प्रत्येकी तीन लाख ४५ हजार रुपये आहे. त्यामध्ये खेळाडूंच्या वैयक्तिक खर्चाव्यतिरिक्त, आंतरराष्ट्रीय प्रवास, निवास व भोजन व्यवस्था, प्रवास विमा तसेच व्हिसा शुल्काचा समावेश आहे..Premium| Prataprao Pawar: 'सकाळ'सोबतची ४० वर्षांची वाटचाल; प्रतापराव पवार यांचा नजरेतून... .या दौऱ्यात माजी रणजी क्रिकेटपटू आणि अनुभवी प्रशिक्षक निरंजन गोडबोले, इंद्रजित कामतेकर आणि पराग शहाणे हे मार्गदर्शनासाठी संघाबरोबर असणार आहेत. खेळाडूंच्या आहाराची योग्य काळजी घेण्यासाठी दोन तज्ज्ञ शेफही संघाबरोबर असतील..आंतरराष्ट्रीय अनुभवाची संधीक्रिकेटपटूंच्या सर्वांगीण विकासासाठी वेगवेगळ्या परिस्थितींमध्ये आणि विविध शैलीच्या खेळाडूंविरुद्ध खेळण्याचा अनुभव महत्त्वाचा ठरतो. परदेशी मैदानांवरील सामने, तेथील हवामानाशी जुळवून घेणे आणि आंतरराष्ट्रीय खेळाडूंविरुद्ध स्पर्धा केल्याने खेळातील तंत्र, निर्णयक्षमता आणि आत्मविश्वासात लक्षणीय वाढ होते. हाच अनुभव आयर्लंड दौऱ्यातून राज्यातील तरुण क्रिकेटपटूंना मिळणार आहे. .वैशिष्ट्ये आयर्लंडमधील दर्जेदार संघांशी १० सामने सर्व खेळाडूंना प्रत्येक सामन्यात खेळण्याची संधी प्रत्येक सामन्यानंतर सामनावीर पुरस्कार आणि दौऱ्यानंतर मालिकावीर पुरस्कार आंतरराष्ट्रीय दर्जाच्या मैदानांवर सामने दौऱ्यातील सहभागाचे प्रमाणपत्र.नोंदणीसाठी संपर्क या दौऱ्यांसाठी क्रिकेटपटूंची निवड करण्यासाठी कोणतेही निकष नसून केवळ ‘प्रथम येणाऱ्यास प्राधान्य’ तत्त्वावर निवड केली जाणार आहे. त्यामुळे परदेश दौऱ्याची ही अभिनव संधी साधण्यासाठी इच्छुक खेळाडूंनी आणि त्यांच्या पालकांनी लवकरात लवकर नोंदणी करावी, असे आवाहन ‘सकाळ माध्यम समूह’ आणि पाथवे फाउंडेशनने केले आहे. अधिक माहितीसाठी संपर्कइंद्रजित कामतेकर ९३०९२ ७५८६४ पराग शहाणे : ८८०५० १७२४१.परदेशातील आव्हानात्मक परिस्थितीत खेळण्याचा अनुभव राज्यातील उदयोन्मुख क्रिकेटपटूंना मिळावा, हा टूरचा उद्देश आहे. विविध खेळपट्ट्या आणि हवामानात खेळताना त्यांच्या कौशल्यात व आत्मविश्वासात वाढ होऊन भविष्यातील क्रिकेट कारकिर्दीसाठी त्यांना दिशा मिळेल.- इंद्रजित कामतेकर, प्रशिक्षकआंतरराष्ट्रीय स्तरावरील वातावरण आणि खेळपट्ट्यांवर खेळण्याचा अनुभव तरुण क्रिकेटपटूंसाठी अत्यंत महत्त्वाचा असतो. अशा दौऱ्यांमुळे त्यांना वेगवेगळ्या परिस्थितींमध्ये खेळण्याची सवय लागते आणि त्यांच्या खेळातील आत्मविश्वासही अधिक मजबूत होतो.- निरंजन गोडबोले, प्रशिक्षक .सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.