Prithvi Shaw: भारताच्या क्रिकेटरनं तब्बल १७ किलो वजन केलं कमी! पीटरसन म्हणतोय, 'पृथ्वी शॉला कोणीतरी हे दाखवा'

थोडक्यात.सर्फराज खानने तब्बल १७ किलो वजन कमी करत फिटनेसवर भर दिला आहे.त्याचे फोटो सोशल मीडियावर व्हायरल झाले असून केविन पीटरसनने त्याचे कौतुक केले.पीटरसनने पृथ्वी शॉला सर्फराजचा आदर्श घेण्याचा सल्ला दिला आहे..भारताचा सलामीवीर पृथ्वी शॉ गेल्या काही वर्षात त्याच्या फिटनेसमुळे चर्चेत आला होता. त्याला त्याच्या फिटनेसमुळे मुंबईच्या संघातील स्थानही गमवावे लागले होते. त्यामुळे त्याच्यावर बरीच टीकाही झाली होती. अशातच पृथ्वी शॉ याने मुंबई संघ सोडून महाराष्ट्र संघाकडून आगामी देशांतर्गत क्रिकेटमध्ये खेळण्याचा निर्णय घेतला आहे. यादरम्यान, इंग्लंडचा दिग्गज फलंदाज केविन पीटरसनने त्याला भारताच्या युवा खेळाडू सर्फराज खानचे उदाहरण देत त्याचा आदर्श घेण्याचा सल्ला दिला आहे..Prithvi Shaw: मी चुकीचे मित्र निवडले! सचिन तेंडुलकर यांचा माझ्यावर विश्वास; पृथ्वी शॉची खुल्यामनाने कबुली.२७ वर्षीय सर्फराज खानला सध्या सुरू असलेल्या इंग्लंड दौऱ्यासाठी भारतीय संघात निवडण्यात आलेलं नाही. सर्फराजने गेल्या वर्षी इंग्लंडविरुद्धच राजकोट कसोटीतून पदार्पण केले होते. पण तो ६ कसोटी सामनेच खेळला. त्याला ऑस्ट्रेलिया दौऱ्यासाठी भारतीय संघात स्थान मिळाले होते. पण त्याला एकाही सामन्यात प्लेइंग इलेव्हनमध्ये खेळता आले नव्हते. त्यानंतर त्याला इंग्लंड दौऱ्यासाठी दुर्लक्षित करण्यात आले आहे..असे असतानाच आता सर्फराजने तब्बल १७ किलो वजन कमी करत बीसीसीआय आणि निवड समितीला स्पष्ट संदेश दिला आहे. त्याच्यावर बऱ्याचदा त्याच्या फिटनेसमुळे आणि वजनामुळे टीका झाली आहे. पण आता सर्फराजने १७ किलो वजन कमी करत त्याच्या फिटनेसवर लक्ष केंद्रित केल्याचे दिसत आहे. सर्फराजची देशांतर्गत क्रिकेटमध्ये चांगली कामगिरी झालेली आहे, त्यामुळे त्याने आता पुन्हा एकदा भारतीय संघाचे दार ठोठावले आहे..दरम्यान, त्याने १७ किलो वजन कमी केल्याचा फोटो सोशल मीडियावर व्हायरल झाला, ज्यावर पीटरसनने प्रतिक्रिया देत त्याचे कौतुक केले. पीटरसनने लिहिले की 'अफलातून प्रयत्न, यंग मॅन! तुझे खुप अभिनंदन आणि मला खाली आहे यानंतर तू आणखी चांगली आणि सातत्यपूर्ण कामगिरी मैदानात करशील. तुझं प्राधान्य कशाला हवं, हे ओळखून त्यासाठी वेळ देणं मला आवडलं आहे. कोणीतरी हे प्लीज पृथ्वीला दाखवाल का? हे शक्य आहे. स्ट्राँग बॉडी, स्ट्राँग माईंड.'.सर्फराजने ६ कसोटी सामने खेळताना ३७१ धावा केल्या आहेत, ज्यात एका शतकाचा आणि ३ अर्धशतकांचा समावेश आहे. त्यने ५५ प्रथम श्रेणी सामन्यांमध्ये ४६८५ धावा केल्या आहेत, तर ३७ लिस्ट ए सामन्यांमध्ये ६२९ धावा केल्या आहेत. त्याने ९६ टी२० सामने खेळताना ११८८ धावा केल्या आहेत..Prithvi Shaw: ठरलं! मुंबई सोडलेल्या पृथ्वी शॉला मिळाला नवा संघ, आता ऋतुराज गायकवाडच्या नेतृत्वात खेळणार.पृथ्वी शॉ खेळणार महाराष्ट्राकडूनपृथ्वी शॉ आता २०२५-२६ देशांतर्गत क्रिकेट हंगामात महाराष्ट्र संघाकडून खेळणार आहे. त्याने तसा करार महाराष्ट्र क्रिकेट असोसिएशनसोबत केला आहे. त्यासाठी त्याला मुंबई क्रिकेट असोसिएशनकडून ना हरकत प्रमाणपत्रही देण्यात आले आहे.दरम्यान, पृथ्वी शॉ याने काही दिवसांपूर्वीच एका पॉडकास्टमध्ये त्याच्याकडून चुका झाल्याचे मान्य करताना आता क्रिकेटवर अधिक लक्ष केंद्रित करण्यावर भर देत असल्याचे सांगितले होते. पृथ्वी शॉ याने भारतासाठी ५ कसोटी, ६ वनडे आणि १ टी२० सामना खेळला आहे. पण २०२१ नंतर त्याला भारताच्या संघात स्थान मिळालेले नाही. त्यामुळे आता त्याचे प्रयत्न आंतरराष्ट्रीय क्रिकेटमध्ये पुनरागमनासाठी असणार आहे..FAQs.सर्फराज खानने किती वजन कमी केले आहे?सर्फराज खानने एकूण १७ किलो वजन कमी केले आहे..पृथ्वी शॉ २०२५-२६ देशांतर्गत क्रिकेट हंगामात कोणत्या संघाकडून खेळणार आहे?पृथ्वी शॉ २०२५-२६ देशांतर्गत क्रिकेट हंगामात महाराष्ट्र संघाकडून खेळणार आहे..केविन पीटरसनने पृथ्वी शॉ याला कोणता सल्ला दिला?केविन पीटरसनने पृथ्वी शॉ याला फिटनेससाठी सर्फराजचा आदर्श घेण्यास सांगितले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Prithvi Shaw: भारताच्या क्रिकेटरनं तब्बल १७ किलो वजन केलं कमी! पीटरसन म्हणतोय, 'पृथ्वी शॉला कोणीतरी हे दाखवा'

Related Stories