चॅम्पियन्स ट्रॉफी २०२५ स्पर्धेला बुधवारपासून सुरूवात होत असून या स्पर्धेत ८ संघ सहभागी होत आहे. भारत, पाकिस्तान, न्यूझीलंड, बांगलादेश, ऑस्ट्रेलिया, इंग्लंड, दक्षिण आफ्रिका आणि अफगाणिस्तान हे आठ संघ सहभागी होत असून यंदाची नववी स्पर्धा आहे.
पाकिस्तान क्रिकेट बोर्ड मुख्य आयोजक असलेली ही स्पर्धा अनेक वादविवादांनंतर अखेर हायब्रिड मॉडेलने पाकिस्तान आणि दुबईमध्ये खेळली जाणार आहे. भारतीय संघ दुबईत सामने खेळणार आहे, तर इतर संघ पाकिस्तानमध्येच सामने खेळतील.
