T20 WC, IND vs ENG SF: संजू सॅमसनची वादळी अर्धशतक! गौतम, रोहित, विराटच्या विक्रमाशी बरोबरी; इशानसह ९७ धावा जोडल्या

T20 World Cup India vs England Semi Final Marathi Cricket News: ट्वेंटी-२० वर्ल्ड कप २०२६ च्या उपांत्य फेरीत संजू सॅमसनने पुन्हा एकदा तुफानी फलंदाजी करत सलग दुसरे अर्धशतक झळकावले. इंग्लंडविरुद्धच्या या मोठ्या सामन्यात त्याने ७ चौकार आणि ३ षटकारांच्या जोरावर अर्धशतक पूर्ण केले आणि भारताला दमदार सुरुवात करून दिली. संजूचा तिसऱ्याच षटकात इंग्लंडचा कर्णधार हॅरी ब्रूकने झेल टाकला आणि त्याचा पश्चाताप आता त्याला होत असेल.