India vs England ODI: इंग्लंड क्रिकेट संघ सध्या भारत दौऱ्यावर आहे. नुकतेच या दौऱ्यातील टी२० मालिका संपली असून आता वनडे मालिकेला सुरुवात होणार आहे. भारत आणि इंग्लंड संघात वनडे मालिकेला ६ फेब्रुवारीपासून सुरुवात होत आहे. याआधी टी२० मालिकेत भारतीय संघाने ४-१ अशा फरकाने दणदणीत विजय मिळवला आहे.
यानंतर आता वनडे मालिकेतही वर्चस्व ठेवण्याचा आता भारताचा प्रयत्न असणार आहे. लक्षात घेण्यासारखी गोष्ट अशी की भारताच्या टी२० संघातील बरेच खेळाडू वनडे संघाचा भाग नाहीत.
