Kane Williamson retirement emotional tribute article
Why Kane Williamson was the most loved cricketer in India? डोकं एकदम सून्न झालंय... राहुल द्रविड याच्यानंतर कुणाची फलंदाजी आवडली असेल तर ती केन विलियम्सन याची... आज त्याने आंतरराष्ट्रीय क्रिकेटमधून निवृत्ती जाहीर केली आणि काहीच सूचेनासे झाले.. २०१२ मध्ये द्रविडने कसोटी क्रिकेटला रामराम केला आणि तेव्हा दोन वर्षांच्या क्रिकेट कारकीर्दिसह केन कसोटीत स्थिरावत होता.अचूक टायमिंग, फटक्यांचं योग्य सिलेक्शन, चेहऱ्यावर शांत भाव, शतकानंतर किंवा विजयानंतर आपण काही मोठं यश मिळवलंय, असा आविर्भाव त्याने कधी दाखवला नाही. दिलेलं काम चोख बजावल्यानंतर मिळणाऱ्या समाधानासाठी केन नेहमी झटत राहिला.
