U19 Asia Cup 2024, India vs Pakistan: १९ वर्षीय आशिया कप २०२४ स्पर्धेत भारतीय संघाची सुरुवात खराब झाली आहे. भारताला शनिवारी (३० नोव्हेंबर) त्यांच्या पहिल्याच सामन्यात पाकिस्तानविरुद्ध पराभवाचा धक्का बसला आहे.
भारताकडून निखील कुमारने अर्धशतक करत झुंज दिली, मात्र त्याला बाकी कोणाची साथ मिळाली नाही. परिणामी भारताचा या सामन्यात ४३ धावांनी पराभव झाला आहे.
दुबईत झालेल्या या सामन्यात पाकिस्तानने भारतासमोर विजयासाठी २८२ धावांचे आव्हान ठेवले होते. या आव्हानाचा पाठलाग करताना भारताला ४७.१ षटकात सर्वबाद २३७ धावा करता आल्या.
