IND U19 VS BAN U19: वैभव सूर्यवंशीने टीपला सूर्या दादासारखा कॅच; बांगलादेशच्या हातून खेचली मॅच, भारताचा रोमहर्षक विजय

U19 World Cup Vaibhav Suryavanshi Pulls Off Match-Winning Catch : भारतीय संघाने १९ वर्षांखालील वन डे वर्ल्ड कप स्पर्धेत शनिवारी बांगलादेशविरुद्ध थरारक विजय मिळवला. वैभव सूर्यवंशी या सामन्यात चमकला. त्याने प्रथम फलंदाजीत बहुमूल्य योगदान दिले आणि त्यानंतर क्षेत्ररक्षणात आपली छाप पाडली. सूर्यकुमार यादवने २०२४ च्या ट्वेंटी-२० वर्ल्ड कप स्पर्धेच्या फायनलमध्ये टिपलेल्या झेलची पुनरावृत्ती वैभवने आजच्या सामन्यात केली. २६ व्या षटकात त्याने घेतलेल्या अविश्वसनीय झेलने सामन्याला कलाटणी मिळाली आणि भारताने DLS नुसार ही मॅच जिंकली.