Vaibhav Sooryavanshi : पोट्ट्याची मोठी झेप! वैभव ICC Ranking मध्ये २३० स्थानांनी पुढे आला; बघा जगात कितव्या क्रमांकावर पोहोचला?

Vaibhav Sooryavanshi latest ICC ranking update: १५ वर्षीय वैभव सूर्यवंशीने आंतरराष्ट्रीय क्रिकेट परिषदेच्या ( ICC) ट्वेंटी-२० फलंदाजांच्या क्रमवारीत गरुड झेप घेतली आहे. नुकत्याच झालेल्या झिम्बाब्वेविरुद्धच्या मालिकेत ५०.३३ च्या सरासरीने १५१ धावा करून प्लेअर ऑफ दी सीरिजचा पुरस्कार जिंकणाऱ्या वैभवला आयसीसीने भेट दिली आहे. भारताने ही मालिका ३-० अशी जिंकून सांघिक क्रमवारीत नंबर १ स्थान पुन्हा काबीज केले होते. वैभवने फलंदाजांच्या क्रमवारीत २३० क्रमांनी झेप घेतली आणि तो कारकिर्दीतील त्याच्या सर्वोत्तम ४८ व्या क्रमांकावर आला आहे. भारतीय फलंदाज इशान किशन हा पुन्हा नंबर १ वर पोहोचला आहे.