Australia vs India Test: भारत आणि ऑस्ट्रेलिया संघात कसोटी मालिकेतील तिसरा सामना सध्या ब्रिस्बेनमध्ये सुरू आहे. या सामन्यात शनिवारी भारताच्या पहिल्या डावात खेळताना स्टार फलंदाज विराट कोहली १६ चेंडूत ३ धावांवरच बाद झाला. पण तो स्वस्तात बाद होण्यापेक्षा त्याच्या बाद होण्याच्या पद्धतीची सर्वाधिक चर्चा झाली.
तो या सामन्यात भारताच्या डावातील ८ व्या षटकात जोस हेजलवूडने टाकलेला वाईडचा चेंडू खेळताना यष्टीरक्षक ऍलेक्स कॅरेकडे झेल देत बाद झाला. विराट गेल्या काही सामन्यांमध्ये अनेकदा ऑफ स्टंपच्या बाहेरचा चेंडू खेळताना बाद झाला आहे. त्यामुळे सातत्याने एकाच प्रकारे बाद होऊनही त्यावर त्याने काम न केल्याची टीका त्याच्यावर होत आहे.
