Rahul Dravid Video Viral: टी20 वर्ल्ड कप जिंकून आलेल्या 'गुरू'ला लहान मुलांकडून गार्ड ऑफ ऑनर; द्रविडनंही जिंकली मनं

Rahul Dravid:राहुल द्रविड टी२० वर्ल्ड कप जिंकल्यानंतर बंगळुरूला परतला असून त्याला लहान मुलांनी गार्ड ऑफ ऑनर दिल्याचा व्हिडिओ सध्या व्हायरल होत आहे.
Rahul Dravid
Rahul DravidSakal

Rahul Dravid Video Viral: भारतीय क्रिकेट संघाने २९ जून रोजी टी२० वर्ल्ड कप २०२४ स्पर्धेचे विजेतेपद जिंकले. बार्बाडोसला झालेल्या अंतिम सामन्यात भारताने दक्षिण आफ्रिकेला अवघ्या ७ धावांनी पराभूत केले.

या विजयासह भारताने तब्बल १७ वर्षांनी टी२० वर्ल्ड कपवर नाव कोरले. तसेच हे विजेतेपद भारतीय संघाने राहुल द्रविडच्या मार्गदर्शनाखाली जिंकले. भारताला विजेतेपद जिंकून देण्यात द्रविडचेही मोठे योगदान राहिले.

Rahul Dravid
Rahul Dravid: टी20 वर्ल्ड कप विजयानंतर द्रविड ड्रेसिंगमधील शेवटच्या भाषणात काय म्हणाला? BCCI ने शेअर केला Video

दरम्यान, या विजेतेपदानंतर आता द्रविड घरी परतला आहे. बंगळुरूला घरी गेल्यानंतर त्यांनी एका लहान मुलांच्या क्रिकेट अकादमीला भेट दिली. यावेळी तेथील लहान मुलांनी त्याला बॅट उंचावर गार्ड ऑफ ऑनर दिला.

लहान मुलांनी केलेलं हे स्वागत पाहून द्रविडही भारावला होता. त्यानेही त्या मुलांना नाराज न करता त्यांच्याशी हस्तांदोलन केले. हा व्हिडिओ सध्या व्हायरल होत आहे.

रोहितचा तो महत्त्वाचा फोन कॉल

खरंतर द्रविड २०२३ वनडे वर्ल्ड कपनंतर प्रशिक्षकपदाचा राजीनामा देणार होता. मात्र, भारताचा कर्णधार रोहित शर्माने त्याला टी२० वर्ल्ड कप २०२४ पर्यंत जबाबदारी कायम करण्यासाठी मनवलं. त्याने द्रविडला त्यासाठी एक फोन कॉल केला होता. हा फोन कॉल महत्त्वाचा होता, याबद्दल द्रविडनेच स्पर्धेनंतर खुलासा केला होता.

Rahul Dravid
Rahul Dravid : ती वेळ चांगली नव्हती.... पंतप्रधान मोंदीना भेटीवेळी द्रविड वनडे वर्ल्डकप फायनलबद्दल काय म्हणाला?

भारतीय संघाचं जोरदार स्वागत

दरम्यान, टी२० वर्ल्ड कप जिंकलेला भारतीय संघ ४ जुलै रोजी पहाटे भारतात परतला होता. भारतात आल्यानंतर संघातील खेळाडू आणि राहुल द्रविड यांनी पंतप्रधान नरेंद्र मोदी यांची भेट घेतली. यावेळी मोदींनी त्यासर्वांशी संवाद साधला.

यानंतर संपूर्ण भारतीय संघाचा ताफा संध्याकाळी मुंबईत दाखल झाला होता. मुंबईत भव्य मिरवणूक काढण्यात आली. यावेळी लाखोंच्या संख्येने चाहते मरिन ड्राईव्हवर पोहचले होते. त्यानंतर भारतीय संघाचा वानखेडे स्टेडियमवर सत्कार करण्यात आला.

Pratima olkha:

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Marathi News Esakal
www.esakal.com