T20 World Cup Final: सचिन, विराटपासून PM मोदींपर्यंत... जगज्जेत्या टीम इंडियावर कौतुकाचा वर्षाव; पाहा कोण काय म्हणालंय

Cricket Fraternity Shower Praise on T20 World Cup 2026 Winner Team India: अहमदाबादमध्ये भारतीय संघाने रविवारी (८ मार्च) इतिहास रचला. न्यूझीलंडविरुद्ध झालेल्या टी२० वर्ल्ड कप २०२६ स्पर्धेच्या अंतिम सामन्यात भारताने तब्बल ९६ धावांनी विजय मिळवला. त्यामुळे भारतीय संघाने घरच्या मैदानात टी२० वर्ल्ड कप जिंकणारा पहिला संघ ठरण्याचा विश्वविक्रम केला.

इतकेच नाही, तर सलग दोन टी२० वर्ल्ड कप आणि तीन टी२० वर्ल्ड कप (T20 World Cup) जिंकणारा भारतीय संघ पहिला संघ ठरला. त्यामुळे भारतीय संघावर (Team India) संपूर्ण देशभरातून कौतुकाचा वर्षाव होत आहे.