Asia Cup 2025: संजू सॅमसन, शुभमन गिल की यशस्वी जैस्वाल, टीम इंडियात कोणाला मिळणार संधी? अश्विन म्हणतो...

आशिया कप २०२५ साठी भारतीय संघाची निवड करताना निवड समितीसमोर मोठा पेच आहे. संजू सॅमसन, शुभमन गिल आणि यशस्वी जैस्वाल यांच्यातील स्पर्धा तीव्र आहे. आर अश्विनने भारतीय संघाच्या निवडीबाबत प्रतिक्रिया दिली आहे..आशिया कप २०२५ स्पर्धेसाठी मंगळवारी (१९ ऑगस्ट) भारतीय संघाची घोषणा होण्याची शक्यता आहे. त्यामुळे भारतीय संघात कोणत्या खेळाडूंना संधी मिळेल, यावर सध्या जोरदार चर्चा क्रिकेट वर्तुळात सुरू आहे. भारतीय संघाची आशिया कपसाठी निवड करताना निवड समितीचा कस लागणार आहे. फॉर्ममध्ये असलेले जवळपास सर्वच खेळाडू उपलब्ध आहेत. ही स्पर्धा टी२० प्रकारात ९ ते २८ सप्टेंबर दरम्यान खेळवली जाणार आहे. पुढीलवर्षी होणाऱ्या टी२० वर्ल्ड कपच्या दृष्टीने ही स्पर्धा महत्त्वाची आहे. त्यामुळे भारतीय संघात स्थान मिळवण्यासाठी खेळाडूंमध्ये मोठी शर्यत आहे..Asia Cup 2025: आधी खेळ सुधार! बाबर आझमला कोचची स्पष्ट ताकीद; पाकिस्तान संघातून हाकालपट्टीमागचं खरं कारणही सांगितलं.गेल्यावर्षीपासून सूर्यकुमार यादवच्या नेतृत्नात भारताचा टी२० संघ खेळत आहे. या संघात अनेक खेळाडू असे आहेत, जे केवळ या एकाच प्रकारात खेळत आहेत. पण आता तिन्ही प्रकारात खेळू शकणारे खेळाडूही सध्या उपलब्ध आहेत. त्यामुळे निवड समितीसमोर पेच असेल.नजीकच्या काळात भारताच्या टी२० संघाकडून संजू सॅमसन आणि अभिषेक शर्मा यांनी सलामीला फलंदाजी केली आहे. तसेच यशस्वी जैस्वाल तिसरा सलामीवीर म्हणून पर्याय राहिला आहे. पण आता शुभमन गिलही सध्या फॉर्ममध्ये आहे. त्याने इंग्लंडमध्ये कसोटी मालिकेत चांगली कामगिरी केली होती. त्यानंतर त्यानेही टी२० संघात पुनरागमनासाठी दावेदारी ठोकली आहे. त्यामुळे आता कोणाची निवड होणार हा मोठा प्रश्न असतानाच भारताचा माजी फिरकीपटू आर अश्विनने याबाबत मत व्यक्त केले आहे. .अश्विनने यशस्वी जैस्वालला पसंती दिली आहे. त्याने म्हटले की २०२४ वर्ल्ड कपसाठी तो पर्यायी सलामीवीर असल्याने यावेळी रोहित शर्मा नसताना त्याला संधी मिळायला हवी. तथापि, सध्या तरी गेल्या अनेक टी२० सामन्यात भारतासाठी सॅमसन आणि अभिषेकला सलामीला फलंदाजी केली असल्याने त्यांनाच आशिया कपसाठीही पसंती मिळेल, असं अनेक रिपोर्ट्समध्ये सांगण्यात आले आहे..अश्विन त्याच्या युट्युब चॅनेलवर बोलताना म्हणाला, 'आशिया कपबाबत सध्या काही विषय चर्चेत आहे. पहिला प्रश्न सर्वांच्या मनात आहे तो म्हणजे शुभमन गिल टी२० संघाच्या प्लॅनमध्ये बसतो का? कारण तो गेल्या टी२० वर्ल्ड कपमध्ये संघाचा भाग नव्हता, यशस्वी जैस्वाल तिसरा सलामीवीर म्हणून पर्याय होता. त्यामुळे जैस्वालला आपोआपच संधी मिळणार आहे.' 'यावेळी रोहित शर्मा संघाचा भाग नसेल, त्यामुळे जैस्वालची निवड निश्चित आहे. पण मग दुसरा सलामीवीर कोण असणार हा खरा प्रश्न आहे. शुभमन गिलसाठी कसोटी मालिका शानदार राहिली. पण तो संघात पुनरागमन करेल का? सॅमसनची सलामीवीर म्हणून भारताच्या टी२० संघाकडून चांगली कामगिरी झाली आहे. त्यामुळे मला वाटतं की निवड समितीसाठी मोठा पेच निर्माण झाला आहे.'.Asia Cup मध्ये भारताने पाकिस्तानविरुद्ध खेळावे की नाही? केदार जाधव म्हणतो, 'मला विश्वास आहे की...'.याशिवाय श्रेयस अय्यरही पुनरागमन करू शकेल का असा प्रश्न अश्विनने उपस्थित केला आहे. शुभमन गिल जुलै २०२४ मध्ये भारताकडून अखेरचा टी२० सामना खेळला आहे, तर श्रेयस अय्यर डिसेंबर २०२३ मध्ये शेवटचा टी२० सामना भारताकडून खेळला आहे..FAQs१. आशिया कप २०२५ साठी भारतीय संघाची घोषणा केव्हा होणार आहे?➡️ आशिया कप २०२५ साठी १९ ऑगस्ट रोजी भारतीय संघ जाहीर होण्याची शक्यता आहे.२. यशस्वी जैस्वालला संधी मिळेल का?➡️ होय, रोहित नसल्याने यशस्वी जैस्वालला सलामीवीर म्हणून संधी मिळण्याची शक्यता आहे.३. शुभमन गिल भारताच्या टी२० संघात परत येऊ शकेल का?➡️ फॉर्म पाहता शुभमन गिल भारताच्या टी२० संघातही स्थान मिळवण्यासाठी दावेदार आहे, पण निवड समितीवर निर्णय अवलंबून आहे.४. संजू सॅमसन आणि अभिषेक शर्माची कामगिरी कशी होती?➡️ संजू सॅमसन आणि अभिषेक शर्मा यांनी अलीकडच्या टी२० मालिकेत भारतासाठी सलामीला फलंदाजी करता चांगली कामगिरी केली आहे.५. भारताच्या टी२० संघाचे नेतृत्व कोण करत आहे?➡️ सूर्यकुमार यादव गेल्या वर्षभरापासून भारतीय टी२० संघाचा कर्णधार आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Asia Cup 2025: संजू सॅमसन, शुभमन गिल की यशस्वी जैस्वाल, टीम इंडियात कोणाला मिळणार संधी? अश्विन म्हणतो...

Related Stories