'Rohit Sharma इतका मारेल ना तुला', युवराज सिंगने कोणाला दिली वॉर्निंग? पाहा Video

रोहित शर्मा नेहमीच त्याच्या मजेशीर स्वभावामुळे चर्चेत येत असतो.अनेक कंटेट क्रिएटर्सही त्याच्यावर व्हिडिओ करत असतात.अशाच एका कटेंट क्रिएटरला युवराज सिंग वॉर्निंग देताना दिसला आहे..भारताचा वनडे कर्णधार रोहित शर्मा नेहमीच त्याच्या मजेशीर स्वभावामुळे चर्चेत येत असतो. त्याचे संघसहकाऱ्यांसोबतचे अनेक गमतीशीर संवादही स्टंपमाईकमध्ये कैद होतात. रोहित भारताच्या दिग्गज खेळाडूंमध्येही गणला जातो, त्यामुळे सहाजिकच त्याची सोशल मीडियावरही बरीच चर्चा असते. अनेक कंटेट क्रिएटर्सही त्याच्यावर व्हिडिओ करत असतात. असाच एक कटेंट क्रिएटर आहे, जो नेहमीच रोहितच्या आवाजाची आणि मैदानावरील हावभावांची हुबेहूब नक्कल करत असतो. त्याचं नाव अमित मारू आहे..BCCI चा रोहित - विराटसाठी खास प्लॅन; भारताच्या वनडे संघात टिकायचं असेल, तर विजय हजारेऐवजी 'या' संघाकडून खेळावं लागणार.हाच कंटेंट क्रिएटर नुकताच भारताचा माजी अष्टपैलू खेळाडू युवराज सिंग याला भेटला होता. त्याने युवराजसोबत फोटोही काढला. यावेळी युवराजने त्याला ओळखल्यानंतर तो त्याला असंही म्हणाला, 'शर्माजी के बेटे... जेव्हा तो तुला पाहिल ना, इतका मारेल ना तुला...'. युवराजने ही ताकीद गमतीने दिली होती. त्याचं ऐकून तो अमित मारूही हसायला लागला. याचा व्हिडिओ स्वत: अमित मारू याचे सोशल मीडियावर शेअर केला आहे. हा व्हिडिओ सध्या व्हायरलही होत आहे..दरम्यान, रोहित शर्माबद्दल सांगायचे झाले, तर रोहित आंतरराष्ट्रीय टी२० आणि कसोटी क्रिकेटमधून निवृत्त झाला आहे. तो वनडेमध्ये अजूनही सक्रिय आहे. मात्र वनडेतील भवितव्याबाबतही सध्या प्रश्नचिन्ह उपस्थित होत आहे. रोहितने यापूर्वी २०२७ वनडे वर्ल्ड कप खेळण्याची इच्छा व्यक्त केली होती. मात्र, यासाठी संघव्यवस्थापन त्याचा विचार करत नसल्याचे समोर आले आहे. त्यामुळे रोहित येत्या काही दिवसात वनडेतूनही निवृत्ती घेऊ शकतो, असं म्हटलं जात आहे..Virat Kohli And Rohit Sharma: विराट, रोहितपेक्षा टी-२० विश्वकरंडक महत्त्वाचा; एकदिवसीय क्रिकेटमधील सहभागाबाबत नंतर निर्णय.रोहितने आत्तापर्यंत भारतासाठी ६७ कसोटी सामने खेळले आहेत. यामध्ये १२ शतके आणि १८ अर्धशतकांसह ४३०१ धावा केल्या आहेत. त्याने २७३ वनडे सामन्यांमध्ये ३२ शतके आणि ५८ अर्धशतकांसह १११६८ धावा केल्या आहेत. तसेच वनडेत त्याच्या नावावर तीन द्विशतके असून असा पराक्रम करणारा तो एकमेव क्रिकेटपटू आहे. त्याने १५९ टी२० सामन्यांमध्ये ४२३१ धावा केल्या आहेत, ज्यात ५ शतकांचा आणि ३२ अर्धशतकांचा समावेश आहे..FAQs१. युवराज सिंगने कोणाला गमतीशीर ताकीद दिली?(Who did Yuvraj Singh warn?)→ युवराज सिंगने रोहित शर्माची मिमिक्री करणाऱ्या अमित मारूला गमतीने ताकीद दिली.२. अमित मारू कोण आहे?(Who is Amit Maru?)→ अमित मारू हा रोहित शर्माच्या आवाज आणि हावभावांची नक्कल करणारा कंटेंट क्रिएटर आहे.३. हा व्हिडिओ कुठे शेअर करण्यात आला?(Where was this video shared?)→ अमित मारूने हा व्हिडिओ आपल्या सोशल मीडिया अकाऊंटवर शेअर केला.४. रोहित शर्मा सध्या कोणत्या फॉरमॅटमध्ये खेळतो?(Which format is Rohit Sharma currently playing?)→ रोहित सध्या वनडे क्रिकेटमध्ये खेळतो.५. रोहित शर्माच्या नावावर वनडेत किती द्विशतके आहेत?(How many double centuries does Rohit Sharma have?)→ रोहित शर्माच्या नावावर वनडेत ३ द्विशतके आहेत..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

'Rohit Sharma इतका मारेल ना तुला', युवराज सिंगने कोणाला दिली वॉर्निंग? पाहा Video

Related Stories