Cristiano Ronaldo : रोनाल्डोच्या टी - शर्टचा भूकंपग्रस्तांसाठी होणार लिलाव

Cristiano Ronaldo : तुर्की आणि सिरियातील भूकंपानंतर मोठ्या प्रमाणावर जीवित आणि आर्थिक हानी झाली आहे. या दोन देशांसाठी जगभरातून मदतीचा ओघ वाहू लागला आहे. आता स्टार फुटबॉलपटू ख्रिस्तियानो रोनाल्डोने देखील मदतीचा हात दिला आहे. ख्रिस्तियानो रोनाल्डोचा जुवेंटसचा संघ सहकारी मेरिह डेमिरल हा रोनाल्डोचा हस्ताक्षर केलेला टी - शर्टचा लिलाव करणार आहे.

मेरिह डेमिरल तुर्की आणि सिरियाच्या भूकंपानंतर ट्विट केले. तो म्हणाला की, 'मी आताच ख्रिस्तियानो रोनाल्डोशी बोललो. तुर्कीमध्ये जे काही झालं हे पाहून तो खूप दुःखी झाला आहे. आम्ही आमच्या कलेक्शनमधील ख्रिस्तियानो रोनाल्डोचा स्वाक्षरी केलेला टी - शर्ट लिलाव करण्याचा निर्णय घेतला आहे. लिलावातून जी रक्कम येईल ती सर्व भूकंपग्रस्तांना देण्यात येणार आहे.'

तुर्की आणि सीरियामध्ये सोमवारी (6 फेब्रुवारी) झालेल्या 7.8 तीव्रतेच्या भूकंपात आतापर्यंत एकूण 8000 हून अधिक लोकांचा मृत्यू झाला आहे. भूकंपामुळे मोठे नुकसान झाले आहे. अनेक इमारती पत्त्याच्या घरासारख्या कोसळल्या आहेत.

तुर्कीच्या आपत्ती व्यवस्थापन विभागाने सांगितले की, 6 फेब्रुवारी रोजी कहरामनमाराश परिसरात झालेल्या 7.7 तीव्रतेच्या भूकंपानंतर आतापर्यंत एकूण 435 भूकंपांची नोंद झाली आहे.भूकंपानंतर मदत आणि बचाव कार्यासाठी आतापर्यंत एकूण 60,217 कर्मचारी आणि 4,746 वाहने आणि बांधकाम उपकरणे तैनात करण्यात आली आहेत.

एएनआयने दिलेल्या वृत्तानुसार असोसिएटेड प्रेसने तुर्की आणि सीरियामध्ये शक्तिशाली भूकंपांमुळे आतापर्यंत 7,700 लोकांचा मृत्यू झाल्याचे सांगितले आहे. या व्यापक विध्वंसा दरम्यान मृतांची संख्या वाढतच आहे.