इंग्लंडचा विश्वविक्रम! एकदिवसीय सामन्यात ठोकल्या 498 धावा | ODI Record Break Run's | Sakal
sakal

बोलून बातमी शोधा

World Record

इंग्लंडचा विश्वविक्रम! एकदिवसीय सामन्यात ठोकल्या 498 धावा

इंग्लंडच्या संघाने एकदिवसीय क्रिकेटमधील सर्वांत मोठा जागतिक रेकॉर्ड तयार केला आहे. नेदरलँडविरोधात तब्बल 498 धावा करत एकदिवसीय सामन्यातील सर्वांत जास्त धावांचा विक्रम तोडला आहे. यामध्ये तीन खेळाडूंनी शतक ठोकले असून 4 गड्यांच्या बदल्यात संघाने तब्बल 498 धावा केल्या आहेत.

(England World Record In ODI Cricket)

अॅमस्टेलवीन येथील व्हीआरए स्टेडियमवर नेदरलँड्सविरुद्ध हा सामना खेळला गेला आहे. या सामन्यात इंग्लंडच्या संघाने 498 धावा काढल्या आहेत. यादरम्यान संघाचे 4 गडी बाद झाले असून तिघांनी शतके केले आहेत. दरम्यान इंग्लंडने नॉटिंगहॅममधील ट्रेंट ब्रिज येथे जून 2018 मध्ये केलेला त्यांचाच रेकॉर्ड मोडला आहे. त्यांनी जून 2018 मध्ये ऑस्ट्रेलियाविरुद्ध 481 धावा केल्या होत्या.

हेही वाचा: मुंबई पुण्यासह 13 शहरात लवकरच 5G सेवा होणार सुरू

दरम्यान इग्लंडच्या संघाने प्रथम फलंदाजी करताना हा धावांचा डोंगर उभा केला आहे. नेदरलँडच्या वेगवान गोलंदाज शेन स्नॅटरने दुसऱ्याच षटकात सलामीवीर जेसन रॉयला बाद केल्यामुळे संघाला सर्वोत्तम सुरुवात करता आली नाही. त्यानंतर फिल सॉल्ट आणि डेविड मलान यांनी डाव सावरला. या दोघांनीही शतके झळकावली आहेत.

दरम्यान त्यानंतर फलंदाजीसाठी आलेल्या बटलरने अवघ्या 70 चेंडूंत सात चौकार आणि 14 षटकारांच्या मदतीने नाबाद 162 धावा केल्या. दक्षिण आफ्रिकेच्या एबी डिव्हिलियर्सनंतर 150 धावा करणारा तो दुसरा वेगवान खेळाडू बनला आहे.

Web Title: England Creates A World Record Highestscoring 4984 Against Netherlands

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :CricketEngland
go to top