मुंबई पुण्यासह 13 शहरात लवकरच 5G सेवा होणार सुरू

केंद्र सरकारने 5G स्पेक्ट्रमच्या लिलावाल मंजुरी दिली असून २६ जुलै २०२२ रोजी हा लिलाव होण्याची शक्यता आहे.
5G spectrum
5G spectrumgoogle

नवी दिल्ली : भारतातील 13 शहरात लवकरच ५जी सेवा सुरू होण्याची चिन्हे आहत. त्यासाठी केंद्र सरकारने 5G स्पेक्ट्रमच्या लिलावाला मंजुरी दिली आहे. 26 जुलै 2022 रोजी हा लिलाव होण्याची शक्यता वर्तवण्यात येत आहे. या लिलावानंतर भारतातील तब्बल १३ शहरामध्ये 5G सेवा सुरू करण्यात येणार आहे. या शहरामध्ये मुंबई आणि पुण्याचाही सामावेश आहे.

(5G Service Starting Soon)

केंद्र सरकार 9 स्पेक्ट्रमचा लिलाव करणार असून यामध्ये 600, 700, 800, 1800, 2100, 2300 आणि 2500 मेगाहर्ट्झच्या बँडचा लिलाव होणार आहे. स्पेक्ट्रमची किंमत 5 लाख कोटी रूपये ठेवली असून तब्बल 20 वर्षांसाठी हा करार असणार आहे. ही सेवा 4G च्या तुलनेत 10 पट वेगवान असल्याचं सांगितलं जातंय. दरम्यान भारतीय दूरसंचार विभागाने याआधी 5G सेवा सुरू करण्याची घोषणा केली होती.

5G spectrum
तब्बल ५० हजाराचा मेकअप करून मायलेकी ब्युटी पार्लरमधून फरार

केंद्र सरकारने दिलेल्या माहितीनुसार देशातील दिल्ली, मुंबई, पुणे, चेन्नई, अहमदाबाद, बंगळूर, चंदीगढ, गांधीनगर, हैद्राबाद, गुरूग्राम, कोलकत्ता, जामनगर, लखनऊ या शहरात पहिल्यांदा ही सेवा सुरू होणार असल्याचं सांगितलं आहे. दरम्यान सध्या भारतातील काही भागात 4G सेवाही पोहोचली नसताना देशात काही भागात 5G सेवा सुरू होणार आहे. सप्टेंबर 2022 पर्यंत ही सेवा सुरू होण्याची चिन्हे असून जिओ, एअरटेल आणि वोडाफोन-आयडिया या तीनही कंपन्यांमध्ये ही सेवा देण्यासाठी चुरस आहे.

5G spectrum
"...अन् मी त्यांचा दीर झालो"; काय घडलं वसंत मोरेंसोबत?

दरम्यान यावर्षीच्या ऑगस्ट महिन्यापर्यंत 5G लॉन्च केले जाणार असल्याचं दूरसंचार राज्यमंत्री देवसिंग चौहान यांनी सांगितलं होतं. दरम्यान या संशोधनासाठी शासनाकडून निधी उपलब्ध करून देण्यात येणार आहे. सरकारची दूरसंचार संशोधन संस्था आणि TCS कंपनी या दोन संस्थांकडून यासाठी संशोधन सुरू आहे. दरम्यान हा लिलाव 20 वर्षासाठी असणार असल्याचं दूरसंचार मंत्रालयाने स्पष्ट केलं आहे.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com