FIFA World Cup 2022 : कतारमधील वर्ल्डकपसाठी Adidas ने तयार केलेला 'अल रिहला' बॉल आहे खूप खास

FIFA World Cup 2022 Al Rihla Ball : फिफा आपल्या प्रत्येक वर्ल्डकपसाठी एक खास बॉल तायर करते. प्रत्येक वर्ल्डकपमध्ये वापरण्यात येणाऱ्या बॉलची काही वैशिष्टे असतात. 1970 पासून Adidas ही एकच कंपनी फिफाच्या प्रत्येक वर्ल्डकपसाठी बॉल तयार करत आहे. Adidas प्रत्येक वर्ल्डकपमध्ये एक थीम घेऊन हे बॉल तयार करत असते. त्याप्रमाणे त्याला रंग आणि डिझाईन तायर केले जाते. यंदाच्या कतारमधील वर्ल्डकपची थीम आहे 'अल रिहला'.

फिफाने दावा केला आहे की, 'अल रिहला या कतार फुटबॉल वर्ल्डकपमध्ये वापरण्यात येणारा बॉल हा आतापर्यंतच्या स्पर्धेतील सर्वात जास्त वेगाने किक करता येणारा बॉल आहे. Adidas ने फिफासाठी सलग 14 वा चेंडू डिझाईन केला आहे. त्यांनी एक थीमनुसार हा बॉल तयार केला आहे.'

अरबी भाषेत अल रिहलाचा अर्थ हा प्रवास असा होता. हे नाव 14 व्या शतकातील संशोधक आणि प्रवासी इब्न बतुता यांनी लिहिलेल्या प्रवासवर्णनावरून घेतले आहे. फिफाने पर्यावरण आणि शाश्वत विकासाला खूप महत्व दिले आहे. त्यामुळे पहिल्यांदाच फिफा वर्ल्डकपमध्ये फक्त पाणी वापरून तयार केली शाई आणि डिंकाने बॉल डिझाईन केला आहे. या बॉलवरील भडक आणि व्हायब्रंट रंग हे कतारची संस्कृती, आर्किटेक्चर आणि ध्वज यापासून प्रेरित आहेत.

हेही वाचा : Elon Musk Takeover Twitter : ट्विटरची टिवटिव थांबणार का