FIFA WC22: अर्जेंटिनावर पैशांचा पाऊस! जाणून घ्या कोण किती झालं मालामाल

FIFA World Cup 2022 Winner Argentina: फिफा विश्वचषक 2022च्या अंतिम फेरीत अर्जेंटिनाने फ्रान्सविरुद्ध पेनल्टी शूटआऊटमध्ये विजय मिळवला आहे. नियमित वेळेत स्कोअर 2-2 असा बरोबरीत होता आणि नंतर अतिरिक्त वेळेत स्कोअर 3-3 असा बरोबरीत होता. अर्जेंटिनाने शूटआऊटमध्ये 4-2 असा विजय मिळवत लिओनेल मेस्सीचे स्वप्न पूर्ण केले. या विश्वचषकात मोठी बक्षीस रक्कम ठेवण्यात आली होती, जी विजेत्या संघाकडून गट टप्प्यात खेळणाऱ्या संघाला वाटण्यात आली. चला जाणून घेऊया कोणत्या संघाला किती बक्षीस मिळाले.

विश्वचषक जिंकणाऱ्या अर्जेंटिनाला 42 दशलक्ष डॉलर्स (सुमारे 348 कोटी 48 लाख रुपये) मिळाले आहेत. स्पर्धेतील उपविजेत्या फ्रान्सला 30 दशलक्ष डॉलर (सुमारे 248 कोटी 20 लाख रुपये) मिळतील. फिफाने या विश्वचषकासाठी $440 दशलक्ष (रु. 36 अब्ज, 40 कोटी आणि 27 लाख) बक्षीस रक्कम निश्चित केली होती.

अर्जेंटिनाकडून शेवटचा विश्वचषक खेळणाऱ्या लिओनेल मेस्सीने आपल्या विश्वचषक कारकिर्दीचा शानदारपणे शेवट केला. नियमित वेळेत स्कोअर 2-2 असा बरोबरीत होता आणि नंतर अतिरिक्त वेळेत स्कोअर 3-3 असा बरोबरीत होता. यानंतर पेनल्टी शूटआऊटमध्ये अर्जेंटिनाने शानदार कामगिरी करत सामना जिंकला. लिओनेल मेस्सीने सामन्यात दोन गोल केले, यानंतर किलियन एम्बापेने गोल करत स्कोअर 3-3 असा बरोबरीत आणला आणि सामना पेनल्टी शूटआऊटमध्ये नेला. मेस्सीने शूटआऊटमध्येही गोल केला आणि काही संधी फ्रान्सने गमावल्या आणि अर्जेंटिनाला त्याचा फायदा झाला.