FIFA World Cup22 : अर्धा डझन गोल! पोर्तुगालने स्वित्झर्लंडचे मोडले कंबरडे

Portugal vs Switzerland FIFA World Cup 2022 : स्टार ख्रिस्तियानो रोनाल्डो मैदानात नसतानाही पोर्तुगालने स्वित्झर्लंडचा ६-१ असा धुव्वा उडविला आणि उपांत्यपूर्व फेरीत थाटात प्रवेश केला. तेथे त्यांची लढत आता स्पेनला पराभूत करणान्या मोरोक्कोशी होणार आहे. रोनाल्डोच्या जागी संघात आलेल्या गोंकालो रामोसने केलेली हॅटट्रिक, वयस्क खेळाडू पेपे याने मारलेला जबरदस्त हेडर तसेच राफाईलो आणि लेओचे गोल यामुळे स्वित्झर्लंडचे कंबरडे मोडले. रोनाल्डो बाकावर बसून सामन्याचा मनमुराद आनंद घेता होता.

विश्वकरंडकातील आपला पहिलावहिला सामना खेळणाच्या २१ वर्षीय रामोसने भविष्यातील स्टार असल्याची झलक दाखवून दिली. सामन्याच्या १७ व्या मिनिटाला फेलिक्सचा श्री इन रामोसकडे येताच त्याने तो नियंत्रित करीत अशक्य कोटीतील कोनातून मारलेला फटका स्वीस गोलरक्षकाला चुकवत गोलपोस्टच्या डाव्यावरील कॉर्नरमधून नेटमध्ये विसवला. आणखी १३ मिनिटांनी ३९ वर्षीय पेपेने आपण अजून का मैदानात आहे. याची प्रचीती दिली. ब्रुनो फनडे याने कॉर्नरवरून डीच्या मध्यभागी चेंडू फटकावला. तेथे पेपे दोन स्वीस रक्षकांनी घेरला होता; पण त्याने मोका साधला आणि भन्नाट हेडर करीत गोल केला. दहा मिनिटांनी रामोसचा एक फटका गोलरक्षकाने चपळाईने रोखला.

उत्तरार्धात पुन्हा रामोसने सामन्याच्या ५० व्या मिनिटाला स्वीसच्या संरक्षकाकडून चेंडू काढत दलोडकडे दिला. त्याने विल करीत पुन्हा रामोसच्या दिशेने क्रॉस पास देताच त्याने धाडदिशी गोल केला. त्यानंतर चारच मिनिटांनी राफाईलो गेहेरिरोने रामोसच्या अचूक पासवर गोल करीत आघाडी ४० अशी केली. स्वोसला मॅन्युएल अकांजी याच्या रूपाने यश आले. स्वीसचा हा बाद फेरीतील १९५४ नंतरचा पहिला गोल आहे. रामोसने पुन्हा कमाल करताना सामन्याच्या ७३ व्या मिनिटाला पुन्हा गोल डागत हॅटट्रिक साधली. या दरम्यान, ७६ व्या मिनिटाला रोनाल्डो बदली खेळाडू म्हणून उत्तरला. त्याला डीच्या बाहेर फ्रि किक मिळाली; पण ती वॉलवरच जाऊन आदळली. जादा वेळेत पोर्तुगालच्या राफेल लेओने गोल डागत विजयावर शिक्कामोर्तब केले.

यंदाची पहिलीच हॅट्रिक

• पोर्तुगालचा २१ वर्षीय रामोसची हॅटट्रिक

• रामोसचा हा पहिलाच विश्वकरंडक आणि त्यात सामनाही पहिलाच

• यंदाच्या विश्वकरंडकातील पहिली हॅटट्रिक

• ख्रिस्तियानो रोनाल्डोऐवजी अंतिम अकरामध्ये रामोसला स्थान

• १९ वर्षाखालील गटातही रामोसची पोर्तुगालकडून हॅट्ट्रिक