Hockey World Cup: भारतीय संघाने दणादण ६ गोल करत मारलं मैदान! दक्षिण आफ्रिकेचा उडाला धुव्वा

FIH Women's Hockey World Cup, India vs South Africa: हॉकी वर्ल्ड कप २०२६ स्पर्धेत भारतीय महिला हॉकी संघाने कमालीचा खेळ केला आहे. पहिल्या सामन्यात चीनला बरोबरीत रोखल्यानंतर दुसरा सामना मंगळवारी (१८ ऑगस्ट) दक्षिण आफ्रिका महिला संघाविरुद्ध झाला. या सामन्यात भारतीय महिलांनी अफलातून खेळ करत संपूर्ण सामन्यात वर्चस्व ठेवले आणि दणादण गोल केले.

भारतीय संघाने दक्षिण आफ्रिकेला ६-१ अशा गोलफरकाने पराभूत करत पुढच्या फेरीतील प्रवेश जवळपास पक्के केले आहे. भारत आणि दक्षिण आफ्रिका पुल डीमध्ये आहेत. भारतीय महिला संघाचा पहिल्या फेरीतील अखेरचा सामना बलाढ्य इंग्लंडविरुद्ध होणार आहे.