राजकोट : भारतीय क्रिकेट जगताला कोरोनाने हादूरन सोडलं आहे. सौराष्ट्र क्रिकेट संघाचे माजी खेळाडू अंबाप्रतासिंहजी जाडेजा (Ambapratasinh Jadeja) यांनी मंगळवारी अखेरचा श्वास घेतला. ते 69 वर्षांचे होते. सौराष्ट्र क्रिकेट संघ (SCA) ने या वृत्ताची पुष्टी केली आहे.
सौराष्ट्र क्रिकेट संघाने (SCA) यासंदर्भात एक निवेदन जारी केले आहे. 'सौराष्ट्र क्रिकेट संघाशी संलग्नित प्रत्येकाला माजी क्रिकेटर अंबाप्रतापसिंहजी जाडेजा (Ambapratasinh Jadeja) यांच्या अचानक निघून जाण्याचा धक्का बसला आहे. गेल्या काही दिवसांपासून ते कोरोनाशी झुंज देत होते. अखेर त्यांचा ही झुंज आज अपयशी ठरली. वलसाड येथे त्यांचे निधन झाले. मुळचे जामनगरचे रहिवाशी असलेले अंबाप्रतापसिंहजी जाडेजा मध्यम गती जलदगती गोलंदाज होते. त्यांनी सौराष्ट्र संघाकडून रणजी ट्रॉफीत आठ सामने खेळले होते. ते गुजरातचे निवृत्त पोलीस उपाधीक्षकही होते. जाडेजा यांनी 8 रणजी सामन्यात 11.11 च्या सरासरीनं 100 धावा केल्या होत्या. गोलंदाजीत त्यांनी 17 च्या सरसरीने 10 विकेट घेतल्या होत्या.
भारतीय क्रिकेट नियामक मंडळाचे (BCCI) माजी सचिव निरंजन शाह यांनीही जाडेजा यांच्या निधवानवर शोक व्यक्त केलाय. 'अंबप्रतापसिंहजी एक उत्तम खेळाडू होते. त्यांच्यासोबत क्रिकेटवर अनेकदा सर्वोत्तम चर्चा व्हायची. परमेश्वर त्यांच्या आत्म्याला शांती देवो, अशा शब्दात निरंजन शाह यांनी दुख: व्यक्त केले आहे.
मागील वर्षी राजस्थानकडून स्थानिग क्रिकेट खेळलेल्या 36 वर्षीय लेग स्पिनर विवेक यादव (Vivek Yadav) यांनी कोरोनामुळे आपला जीव गमावला होता. विवेक यांनी जयपूरच्या हॉस्पिटलमध्ये 5 मे 2021 अखेरचा श्वास घेतला होता. विवेक 2010-11 आणि 2011-12 या हंगामात रणजी ट्रॉफी उंचावणाऱ्या संघाचे सदस्य होते. त्यांच्या नंतर आता आणखी एका क्रिकेटरने कोरोनामुळे जीव गमावला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
