Team India : टीम इंडियाचा माजी खेळाडू दुसऱ्यांदा चढणार बोहल्यावर

बाॅलिवूड (Bollywood) पाठोपाठ आता क्रीडाविश्वातही काहीजण लग्न बंधनात अडकत असून टीम इंडियाच्या (Team India) माजी सलामीवीरानंही लग्न करण्याचा निर्णय घेतलाय; पण हे त्याचं दुसरं लग्न असणार आहे. वयाच्या 66 व्या वर्षी तो दुसरं लग्न करणार असून त्याच्या होणाऱ्या पत्नीचं नाव बुलबुल आहे.

विशेष म्हणजे, बुलबुल 38 वर्षांची असून होणाऱ्या पतीपेक्षा अर्थात अरुण लालपेक्षा (Arun Lal) ती 28 वर्षांहून लहान आहे. अरुण लाल आणि बुलबुल यांची बऱ्याच काळापासून मैत्री आहे. आता त्यांनी मैत्रीला नव्या नात्यात गुंफण्याचा निर्णय घेतलाय. एक महिन्यापूर्वी दोघांनी साखरपुडा केला होता. आता अरुण लाल यांनी लग्नाच्या पत्रिकाही छापल्या असून जवळच्या मित्रांना, नातेवाईकांना आमंत्रण देण्यास सुरुवात केलीय.

2 मे रोजी कोलकातातील (Kolkata) पियरलेस हॉटेलमध्ये लग्न होणार असून लग्नानंतर रिसेप्शनही होणार आहे. अरुण लाल यांच्या पहिल्या पत्नीचं नाव रिना आहे. दोघांनी घटस्फोट घेतलाय. रिना बऱ्याच कालावधीपासून आजारी आहे आणि तिच्या मर्जीनेच अरुण लाल यांनी दुसरं लग्न करण्याचा निर्णय घेतलाय. अरुण लाल यांनी टीम इंडियाकडून 16 कसोटी आणि 13 एक दिवसीय सामने खेळले आहेत. यात त्यांनी अनुक्रमे 729 आणि 122 धावा केल्या आहेत.