भारताविरुद्ध मालिके आधीच वेस्टइंडीजच्या खेळाडूने घेतली निवृत्ती

West Indies : वेस्ट इंडिजचा माजी कर्णधार आणि यष्टीरक्षक फलंदाज दिनेश रामदिन याने आंतरराष्ट्रीय क्रिकेटमधून निवृत्ती जाहीर केली आहे. दिनेश रामदिन यांनी सोशल मीडियाच्या माध्यमातून निवृत्तीची माहिती दिली. डिसेंबर 2019 मध्ये तो वेस्ट इंडिजसाठी शेवटचा आंतरराष्ट्रीय सामना खेळला होता.(Denesh Ramdin Retires International Cricket)

दिनेश रामदिनने इन्स्टा पोस्टमध्ये लिहिले आहे की, मी आंतरराष्ट्रीय क्रिकेटमधून निवृत्तीची घोषणा करत आहे. गेली 14 वर्षे एक स्वप्न पूर्ण झाली आहे. मी टोबॅगो आणि वेस्टसाठी क्रिकेट खेळण्यात माझी वर्षे घालवली आहेत. बालपणीची स्वप्ने पूर्ण केली. जरी मी आंतरराष्ट्रीय क्रिकेटमधून निवृत्ती जाहीर करत असलो तरी, मी व्यावसायिक क्रिकेटमधून निवृत्ती घेत नाही.

रामदिनने वेस्ट इंडिजसाठी 74 कसोटी, 139 एकदिवसीय आणि 71 टी-20 आंतरराष्ट्रीय सामने खेळले आहेत. जुलै 2005 मध्ये त्याने श्रीलंकेविरुद्ध कसोटी पदार्पण केले. एकदिवसीय आंतरराष्ट्रीय मध्ये भारताविरुद्ध पदार्पण केले, जी तिरंगी मालिका होती. 2012 आणि 2016 मध्ये टी-20 विश्वचषक जिंकणाऱ्या वेस्ट इंडिज संघाचाही तो भाग होता.