Simona Halep: डोपिंगप्रकरणी टेनिसपटू सिमोना हालेप निलंबित; म्हणाली आता आयुष्यातील...

माजी जागतिक क्रमवारीतील अव्वल टेनिसपटू सिमोना हालेपला डोपिंगप्रकरणी तात्पुरते निलंबित करण्यात आले आहे. आंतरराष्ट्रीय टेनिस इंटिग्रिटी एजन्सीने म्हटले आहे की, हालेपवर बंदी घातलेल्या औषधांचे सेवन केल्याबद्दल कारवाई करण्यात आली आहे.

या कारवाईनंतर हालेपने सोशल मीडियावरील एका लांबलचक पोस्टमध्ये आपण निर्दोष असल्याचा दावा केला आहे. त्याचबरोबर तिने लिहिले की, तिच्या आयुष्यातील सर्वात कठीण लढाई सुरू झाली आहे.

या कारवाईनंतर हालेपने सोशल मीडियावरील एका लांबलचक पोस्टमध्ये आपण निर्दोष असल्याचा दावा केला आहे. त्याचबरोबर तिने लिहिले की, तिच्या आयुष्यातील सर्वात कठीण लढाई सुरू झाली आहे.

यूएस ओपन दरम्यान हॅलेपची चाचणी घेण्यात आली होती. त्यातील तिच्या ए आणि बी दोन्ही नमुन्यांची चाचणी पॉझिटीव्ह आली आहे. डोपिंगविरोधी नियमाच्या कलम ७.१२.१ अन्वये ३१ वर्षीय हालेप हिला निलंबित करण्यात आले आहे. सिमोनाने दोन ग्रँडस्लॅम जिंकले आहेत.

तात्पुरती बंदी घातल्यानंतर सिमोना हालेपने तिच्या इन्स्टाग्राम अकाऊंटवर एक लांबलचक पोस्ट टाकून स्पष्टीकरण दिलं आहे. "आजपासून माझ्या आयुष्यातील सर्वात कठीण सामन्याची सुरुवात होत आहे. सत्याची लढाई. मला सांगण्यात आले की डोप टेस्टमध्ये माझ्यातील रॉक्सॅडुस्टॅट अल्प प्रमाणात आढळून आले आहे. हा माझ्या आयुष्यातील सर्वात मोठा धक्का आहे. संपूर्ण कारकीर्दीत कधीही फसवणुकीचा विचार माझ्या मनात आला नाही. कारण ते मला शिकवलेल्या सर्व मूल्यांच्या विरुद्ध आहे. मी अतिशय अन्यायकारक परिस्थितीला तोंड देत आहे. मला पूर्णपणे गोंधळल्यासारखे आणि फसवल्यासारखे वाटते.