मस्कट : आंतरराष्ट्रीय क्रिकेट परिषदेने आज शुक्रवारी ICC च्या पुरुष टी 20 वर्ल्ड कप 2021 च्या ग्रुप्सची घोषणा केली आहे. 17 ऑक्टोबरपासून 14 नोव्हेंबरपर्यंत ही टूर्नामेंट होणार आहे. ओमान आणि यूएईमध्ये या स्पर्धेचं आयोजन केलं जाईल. टी 20 वर्ल्ड कप 2021 साठी 12 टीम्स खेळणार आहेत. याआधी क्वालिफायर्स टप्पा असेल, ज्यामध्ये आठ संघ खेळणार आहेत. क्वालिफायर्सच्या दोन गटांना ए आणि बी गटामध्ये भाग करण्यात आले आहेत. प्रत्येक गटामध्ये चार टीम्स असणार आहेत.
ए ग्रुपमध्ये श्रीलंका, आयर्लंड, नेदरलँड आणि नामीबिया हे देश आहेत. तर बी गटामध्ये बांग्लादेश, स्कॉटलँड, पापुना न्यू गिनी आणि ओमान हे देश आहेत. क्वालिफायर्स राऊंडमध्ये ग्रुप ए आणि बी मधील टॉपच्या दोन टीम्सना सुपर-12 मध्ये खेळण्याची संधी मिळेल.
20 मार्च 2021 च्या टीम रॅकींगच्या आधारावर ग्रुप बनवण्यात आले आहेत. यामध्ये ग्रुप 1 मध्ये इंग्लंड, ऑस्ट्रेलिया, दक्षिण अफ्रीका, वेस्ट इंडीज हे देश आहेत. तर ग्रुप - 2 मध्ये भारत, पाकिस्तान, न्यूझीलंड, अफगानिस्तान हे देश आहेत. क्रिकेटच्या चाहत्यांसाठी ही आनंदाची गोष्ट आहे की, या टूर्नामेंटमध्ये भारत-पाकिस्तान या दोन्ही संघात लढत पहायला मिळणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
