ICC ODI Rankings : भारताचा मालिका विजय; वनडे रँकिंगमध्ये पाकची गोची

दुबई : भारताचने इंग्लंडविरूद्धची (England Vs India) तीन समन्यांची वनडे मालिका 2 - 1 अशी जिंकली. या विजयानंतर भारताचे आयसीसी वनडे टीम रँकिंग आणखी मजबूत केले आहे. इंग्लंड विरूद्धच्या तिसऱ्या सामन्या ऋषभ पंतच्या नाबाद 125 आणि हार्दिक पांड्याची अष्टपैलू कामगिरीमुळे भारताने 5 गडी राखून विजय मिळवला. भारताने मालिका 2 - 1 अशी जिंकली. या मालिका विजयानंतर भारताने (Team India) आयसीसी वनडे टीम रँकिंग (ICC ODI Rankings) अजून मजबूत केले आहे. भारताचे आता 109 पाईंट्स झाले असून ते रँकिंगमध्ये तिसऱ्या क्रमांकावर विराजमान आहेत. त्या खालोखाल भारताचा प्रतिस्पर्धी संघ पाकिस्तान 106 गुण घेऊन चौथ्या स्थानावर आहे. विंडीज दौऱ्यावर भारत आपले तिसरे स्थान अजून बळकट करण्याचा नक्की प्रयत्न करेल.

आयसीसी वनडे टीम रँकिंगमध्ये न्यूझीलंड 128 गुण घेऊन अव्वल स्थानावर आहे. तर इंग्लंड 121 गुण घेऊन दुसऱ्या स्थानावर आहेत. मात्र आयसीसी वनडे टीम रँकिंगमध्ये जरी आता काही बदल झाला नसला तरी येणाऱ्या आठवड्यात याच्यात बदल होण्याची दाट शक्यता आहे. रँकिंगमध्ये सहाव्या स्थानावर असलेला दक्षिण आफ्रिका पाकिस्तानपेक्षा फक्त 7 गुणांनी पिछाडीवर आहे. जर त्यांना आगामी तीन वनडे सामन्यांच्या मालिकेत इंग्लंडला क्लीन स्वीप दिला तर ते चौथ्या स्थानावर पोहचू शकतात. त्यामुळे पाकिस्तानचे रँकिंग घसरू शकते.

याचबरोबर भारत देखील पाकिस्तानवरील रँकिंगमधील आघाडी अजून वाढवू शकतो. येत्या 22 जुलैपासून भारत वेस्ट इंडीज बरोबर तीन सामन्यांची वनडे मालिका खेळणार आहे. या मालिकेत भारताने चांगली कामगिरी केली तर पाकिस्तान आणि भारत यांच्यातील गुणांमधील फरक अजून वाढू शकतो. दुसरीकडे पाकिस्तान सध्या श्रीलंकेत कसोटी मालिका खेळत आहे. त्यांची पुढची वनडे मालिका ही पुढच्या महिन्यात नेदरलँडविरूद्ध असणार आङे. या मालिकेत बाबर आझमच्या (Babar Azam) नेतृत्वातील पाकिस्तानचा संघ पाच दिवसात 5 वनडे सामने खेळणार आहे.