T20 World Cup 2024 : विंडीजमधील 7 तर युएसमधील 3 ठिकाणी होणार सामने

ICC T20 World Cup 2024 : वेस्ट इंडीज आणि अमेरिका येथे पुढील वर्षी (२०२४) टी-२० विश्वकरंडकाचे आयोजन करण्यात येणार आहे. अमेरिकेत तीन ठिकाणी या स्पर्धेतील लढती होणार आहेत. काही दिवसांपूर्वीच या ठिकाणांची घोषणा करण्यात आल्यानंतर शुक्रवारी आयसीसीकडून वेस्ट इंडीजमधील सात ठिकाणांची घोषणा करण्यात आली.

वेस्ट इंडीजमधील सात ठिकाणी या स्पर्धेतील लढती खेळवण्यात येणार आहेत. अँटीग्वा, बार्बाडोस, डॉमिनिका, गयाना, सेंट लुशिया, सेंट विंसेट व त्रिनिदाद, टोबॅगो या सात ठिकाणी विश्वकरंडकातील लढती खेळवण्यात येणार आहेत.

आयसीसीचे प्रमुख कार्यकारी अधिकारी जेफ अलारडाईस याप्रसंगी म्हणाले की, वेस्ट इंडीजमध्ये याआधी आयसीसीच्या दोन स्पर्धाचे आयोजन करण्यात आले आहे. आता येथे टी-२० विश्वकरंडक होत आहे. विश्वकरंडकातील लढतींचे आयोजन सात ठिकाणी होणार असून याची घोषणा करण्यात येत आहे.

(Sports Latest News)