WT20 WC 23: टी-20 वर्ल्ड कपच्या उपांत्य फेरीत दोन संघ पोहोचले! टीम इंडिया बाहेर? जाणून घ्या समीकरण

Women's T20 World Cup 2023 : महिला टी-20 विश्वचषक 2023चा उत्साह शिगेला पोहोचला आहे. गट टप्पा संपत आला आहे, परंतु आतापर्यंत फक्त दोन संघ उपांत्य फेरीसाठी पात्र झाले आहेत.

महिलांच्या ट्रेंटी-२० विश्वकरंडक स्पर्धेचे सर्वाधिक पाच वेळा विजेतेपद मिळवलेल्या ऑस्ट्रेलियाच्या संघाने सहावे विजेतेपद मिळवण्याच्या दिशेने अजून एक पाऊल टाकले आहे. विश्वकरंडक स्पर्धेच्या गट एकमध्ये झालेल्या आपल्या शेवटच्या सामन्यात बलाढ्य ऑस्ट्रेलियाने दक्षिण आफ्रिकेच्या संघाचा सहा गडी राखून पराभव करत, विश्वकरंडक स्पर्धेच्या उपांत्य फेरीतील स्थान पक्के केले आहे.

ऑस्ट्रेलियानंतर उपांत्य फेरी गाठणारा इंग्लंड हा दुसरा संघ ठरला आहे. इंग्लंडचा संघ ‘ब’ गटात आहे. टीम इंडियाही उपांत्य फेरीत प्रवेश करण्याच्या अगदी जवळ आहे. आज भारताचा ग्रुप स्टेजमधील शेवटचा सामना आयर्लंड विरुद्ध आहे.

हरमनप्रीत कौर अँड कंपनी हा सामना जिंकून इंग्लंडसोबत ग्रुप-बी मधून उपांत्य फेरीत प्रवेश करेल. त्याच सोबत भारत उपांत्य फेरी गाठणारा तिसरा संघ बनेल. जर आज आयर्लंडने भारताला मोठ्या अपसेटमध्ये पराभव केला. तर पाकिस्तानसाठी सेमीफायनलचे दरवाजे उघडतील.

ऑस्ट्रेलियाच्या संघाने नाणेफेक जिंकत प्रथम गोलंदाजी करायचा निर्णय घेतला. त्यांनी दक्षिण आफ्रिकेला 124 धावांपर्यंतच मजल मारू दिली. तझमिन ब्रिटस हिने दक्षिण आफ्रिकेतर्फे सर्वांत जास्त 45 धावा केल्या. जॉर्जिया वेअरहॅम हिने ऑस्ट्रेलियाकडून 18 धावा देत दोन बळी टिपले. दक्षिण आफ्रिकेकडून देण्यात आलेले 125 धावांचे लक्ष ऑस्ट्रेलियाकडून 16.3 षटकांमध्येच पूर्ण करण्यात आले. ऑस्ट्रेलियाकडून ताहलिया मॅग्रा हिने 33 चेंडूंमध्ये 57 धावांची खेळी केली आणि संघाला सहज विजय मिळवून दिला. मारिझॅन कॅप हिने दक्षिण आफ्रिकेतर्फे 21 धावा देत 2 बळी टिपले.