पोर्ट ऑफ स्पेन : भारत आणि वेस्ट इंडीज (West Indies Vs India) यांच्यातील तीन वनडे सामन्यातील दुसरा वनडे (2nd ODI) सामना आज (दि. 24 जुलै) त्रिनिदाद येथे खेळला जात आहे. भारताने पहिला वनडे सामना 3 धावांनी जिंकून मालिकेत 1 - 0 अशी आघाडी घेतली आहे. आजचा सामना जिंकून भारताला आपला मालिका विजय निश्चित करण्याची चांगली संधी आहे. याचबरोबर भारताच्या या मालिका विजयामुळे कट्टर प्रतिस्पर्धी पाकिस्तान (Pakistan) एका खास विक्रमाच्या यादीत मागे पडणार आहे.
या यादीत पाक भारताबरोबर टॉपर
जागतिक क्रिकेटमध्ये एका संघाविरूद्ध सर्वाधिक द्विपक्षीय मालिका जिंकण्याचा विक्रम हा भारत आणि पाकिस्तान यांच्या नावावर संयुक्तरित्या आहे. भारताने वेस्ट इंडीजविरूद्धच्या सलग 11 मालिका जिंकल्या आहेत. भारताने 2007 नंतर ही कामगिरी केली आहे. तर पाकिस्तानने झिम्बावेविरूद्ध सलग 11 मालिका जिंकल्या आहेत. जर आज भारत विंडीज विरूद्धचा दुसरा सामना जिंकतो तर भारत या यादीत पाकिस्तानला मागे टाकू शकतो.
एका देशाविरूद्ध सर्वाधिकवेळा मालिका जिंकलेले देश (Most Series Win Against One Team)
भारत Vs वेस्टइंडीज 11* 2007 पासून आतापर्यंत
पाकिस्तान Vs जिम्बाब्वे 11* 1996 पासून आतापर्यंत
पाकिस्तान Vs वेस्टइंडीज 10* 1999 पासून आतापर्यंत
दक्षिण अफ्रीका Vs झिम्बावे 9* 1995 पासून आतापर्यंत
भारत Vs श्रीलंका 9* 2007 पासून आतापर्यंत
2006 साली मिळाला होता पराभवाचा मोठा धक्का
भारतीय संघ ज्यावेळी 2006 ला वेस्ट इंडीज दौऱ्यावर गेला होता त्यावेळी तेथे पाच वनडे सामन्यांची मालिका खेळवण्यात आली. पहिल्या सामन्यात भारताने 5 विकेट्स राखून विजय मिळवला. मात्र दुसरा सामना भारताने 1 धावेने गमावला. भारताला विजयासाठी एका चेंडूत दोन धावांची गरज होती आणि ड्वेन ब्राव्होने युवराज सिंगचा त्रिफळा उडवला होता. यानंतर भारत तीनही सामने हरला. वेस्ट इंडीजने ही मालिका 4 -1 अशी जिंकली होती. यानंतर भारत वेस्ट इंडीजकडून वनडे मालिकेत एकदाही पराभूत झालेला नाही.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.