Ind vs Eng : 'ही लाजिरवाणी गोष्ट...' इंग्लंडच्या माजी दिग्गजाने विराट कोहली न खेळण्यावर केलं मोठं वक्तव्य

IND vs ENG Stuart Broad On Virat Kohli : इंग्लंड सध्या भारत दौऱ्यावर आहे. या मालिकेत आतापर्यंत दोन कसोटी सामने खेळले गेले आहेत. ज्याचा पहिला कसोटी सामना इंग्लंडने 28 धावांनी जिंकला होता आणि दुसरा कसोटी सामना भारताने विशाखापट्टणम येथे 106 धावांनी जिंकला होता.

आता मालिकेतील तिसरा कसोटी सामना 15 फेब्रुवारीपासून गुजरातमधील राजकोट येथे खेळला जाणार आहे. मात्र यादरम्यान वैयक्तिक कारणांमुळे किंग कोहली या मालिकेतील उर्वरित सामन्यांचा भाग होऊ शकणार नाही, असे बीसीसीआयकडून सांगण्यात आले. यावर इंग्लंडचा माजी वेगवान गोलंदाज स्टुअर्ट ब्रॉडने प्रतिक्रिया दिली आहे.

विराट कोहली इंग्लंडविरुद्धची कसोटी मालिका खेळत नाहीये. त्यानंतर इंग्लंडचा माजी वेगवान गोलंदाज स्टुअर्ट ब्रॉड म्हणाला की, विराट कोहलीची मालिकेत अनुपस्थिती भारत आणि इंग्लंड कसोटी मालिकेसाठी लाजिरवाणी बाब आहे. विराट हा महान खेळाडू आहे. मैदानावरील त्याचा उत्साह इतर खेळाडूंना प्रेरणा देतो.

भारत आणि इंग्लंड कसोटी मालिकेबद्दल बोलायचे झाले, तर मालिकेतील तिसरा कसोटी सामना राजकोटमध्ये 15 फेब्रुवारीपासून खेळला जाणार आहे. भारतीय कर्णधार रोहित शर्मा इंग्लंडला पराभूत करून मालिकेत 2-1 अशी आघाडी घेण्याच्या इराद्याने मैदानात उतरणार आहे. त्याचवेळी, इंग्लंडचा कर्णधार बेन स्टोक्सचाही त्याच्या बॅजबॉल शैलीत राजकोट कसोटी जिंकून मालिकेत 1-2 अशी आघाडी घेण्याकडे लक्ष असेल.