VIDEO: 'आम्ही इथे फटाके फोडतोय अन् तुम्ही TV...' सेहवागचा पाकिस्तानला टोला....

Ind vs Pak T20WC Virender Sehwag : बाबर आझमच्या नेतृत्वाखालील पाकिस्तान संघाला टी-20 विश्वचषक 2022 च्या पहिल्या सामन्यात भारताकडून 4 गडी राखून पराभव स्वीकारावा लागला आहे. पाकिस्तानच्या पराभवाचे प्रमुख कारण म्हणजे विराट कोहलीची शानदार खेळी. मेलबर्न क्रिकेट मैदानावर विराटने 56 चेंडूंत सहा चौकार आणि चार षटकारांसह 82 धावांची नाबाद खेळी खेळली. या विजयासह रोहित शर्माच्या नेतृत्वाखालील टीम इंडियाने 2021 च्या शेवटच्या टी-20 विश्वचषकातील पाकिस्तानविरुद्धच्या पराभवाचा बदलाही घेतला आहे. छोटी दिवाळीला मोठा धमाका करत विराटने या सामन्यात अनेक विक्रम आपल्या नावावर केले.

भारताचा माजी स्फोटक फलंदाज वीरेंद्र सेहवागने सोशल मीडियावर एक व्हिडिओ शेअर केला आहे. भारताने शेवटच्या चेंडूवर पाकिस्तानचा पराभव केला. या विजयाने एकीकडे भारतात जल्लोषाचे वातावरण असतानाच दुसरीकडे पाकिस्तान देशात शोककळा पसरली आहे. भारतात जिथे लोक विजयाचा आनंद साजरा करत फटाके फोडत आहेत, तिथे पाकिस्तानात लोक टीव्हीवर राग काढत आहेत. सेहवागने सोशल मीडियावर पाकिस्तानींची खिल्ली उडवली आहे.

वीरेंद्र सेहवागने सोशल मीडियावर एक व्हिडिओ शेअर केला आहे, ज्यामध्ये पाकिस्तानच्या पराभवानंतर एक चाहता टीव्ही तोडताना दिसत आहे. या व्हिडीओसोबत सेहवागने कॅप्शनमध्ये लिहिले आहे की, शेजारी आराम करा! तो फक्त एक खेळ आहे. आमच्या इथे दिवाळी आहे, तुम्ही फटाके फोडता आणि तुम्ही विनाकारण टीव्ही फोडता. नाही यार, यात टीव्हीचा काय दोष?

सामन्याबद्दल बोलायचे झाले तर, पाकिस्तानने दिलेल्या 160 धावांच्या लक्ष्याचा पाठलाग करताना भारताने 31 धावांत चार विकेट गमावल्या होत्या. मात्र यानंतर पांड्या आणि विराट कोहलीने पाचव्या विकेटसाठी 78 चेंडूत 113 धावांची शतकी भागीदारी करत भारताला मिळवून दिला. हार्दिकने 37 चेंडूत एक चौकार आणि दोन षटकार ठोकले.