IND vs SL : अक्षर पटेल का गेला बाहेर? 'या' स्टार अष्टपैलू खेळाडूची फायनलपूर्वी टीम इंडियात अचानक एन्ट्री

IND vs SL Asia Cup 2023 Final Washington Sundar : आशिया कप 2023 अंतिम सामना 17 सप्टेंबरला भारत आणि श्रीलंका यांच्यात अंतिम सामना होणार आहे. मात्र, या सामन्यापूर्वी भारतीय संघात एका नव्या खेळाडूची अचानक एन्ट्री होणार आहे. हा खेळाडू दुसरा कोणी नसून अष्टपैलू वॉशिंग्टन सुंदर आहे ज्याला श्रीलंकेत बोलावण्यात आले आहे.

अक्षर पटेल का गेला बाहेर?

भारताचा अष्टपैलू खेळाडू अक्षर पटेलच्या बांगलादेशविरुद्धच्या सुपर-4 च्या शेवटच्या सामन्यादरम्यान त्याच्या मनगटावर चेंडू लागला होता. हा चेंडू त्याच्या गोलंदाजी करतो त्या हाताला लागला होता. क्रिकबझच्या मते, तो श्रीलंकेविरुद्धच्या आगामी आशिया कप 2023 च्या विजेतेपदाच्या सामन्यातून बाहेर पडू शकतो. ज्याच्या दुखापतीबद्दल पूर्णपणे माहिती नाही. भारतीय संघ व्यवस्थापनाने खबरदारी म्हणून सुंदरला कोलंबोला बोलावण्याचा निर्णय घेतला आहे.

वॉशिंग्टन सुंदरची यापूर्वी आशिया कपसाठी निवड झाली नव्हती, तर आशियाई क्रीडा स्पर्धेसाठी जाहीर करण्यात आलेल्या संघात त्याला स्थान मिळाले होते. सध्या तो टीमच्या इतर खेळाडूंसह बेंगळुरूमध्ये होता. आशिया कपच्या अंतिम फेरीनंतर तो पुन्हा आशियाई क्रीडा स्पर्धेच्या शिबिरात सहभागी होईल, अशी अपेक्षा आहे.

सुंदर हा ऑफ ब्रेक गोलंदाज आहे आणि त्याच्याकडे फलंदाजीतही योगदान देण्याची क्षमता आहे. अशा परिस्थितीत अक्षर पटेल बाहेर गेला तरी टीम इंडियाला जास्त काही फटका मोठा बसणार नाही. त्याने या वर्षी जानेवारीत न्यूझीलंडविरुद्ध शेवटचा एकदिवसीय सामना खेळला होता.