India Reached In World Cup 2023 Final : रोहित शर्माच्या नेतृत्वाखाली खेळणाऱ्या भारतीय संघाने अखेर भारताचा 12 वर्षाचा दुष्काळ संपवला. भारताने वनडे वर्ल्डकप 2023 ची फायनल गाठली. यापूर्वी भारताने 2011 च्या वर्ल्डकपमध्ये भारताने अंतिम फेरी गाठली होती.
वनडे वर्ल्डकपच्या इतिहासात भारताने चौथ्यांदा फायनल गाठली आहे. यापूर्वी 1983, 2003, 2011 आणि आता 2023 मध्ये अंतिम फेरी गाठली. यातील 1983 आणि 2011 ला भारताने वर्ल्डकप आपल्या नावावर केला होता.
भारताने यंदाच्या वर्ल्डकपमध्ये लीग स्टेजमधील 9 पैकी 9 सामने जिंकले होते. त्यानंतर आता सेमी फायनल जिंकून तो आकडा 10 वर पोहचवला आहे.
रोहित सेनेने ज्या प्रकारे यंदाचा वर्ल्डकप खेळला आहे ते पाहता रोहित आणि टीमने मिशन 11 चं तगडं प्लॅनिंग केल्याचे दिसून येतं. भारताला भारतात हरवण सोपं नसतं म्हणूनच यंदाच्या वर्ल्डकपमध्ये भारतीय फायनलपर्यंतचे सर्व 11 सामने जिंकण्याचा मनसुबा आखला आहे.
हा मनसुबा ऑस्ट्रेलियाने दोनवेळा पूर्ण केला आहे. आता उद्याच्या दुसऱ्या सेमी फायनल सामन्यात दक्षिण अफ्रिका आणि ऑस्ट्रेलिया एकमेकांना भिडणार आहेत. ही सेमी फायनल 1999 च्या वर्ल्डकपच्या आठवणी ताज्या करणारी असेल.
सामन्याबद्दल बोलायचं झालं तर भारताने 397 धावा करून देखील न्यूझीलंडने घाम फोडला होता. केन विलियमसन आणि डॅरेल मिचेलने तिसऱ्या विकेटसाठी 181 धावांची आक्रमक भागीदारी रचली होती. डॅरेल मिचेलने तर 70 चेंडूत शतक ठोकलं होतं. त्याने 134 धावांची झुंजार खेळी करत न्यूझीलंडला 300 पार पोहचवलं. तो क्रीजवर असेपर्यंत सामना भारताच्या हातातून निसटतो की काय अशी शक्यता निर्माण झाली होती.
मात्र मोहम्मद शामीने आधी केन विलियमसनला 69 धावांवर बाद केले. शामीनेच त्याला झेल सोडून जिवनदान दिलं होतं. त्यानेच त्याचा अडसर दूर केला. त्यानंतर डॅरेल मिचेलचा बाद करत भारताचा विजय निश्चित केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
