India vs Australia Test Series: भारत - ऑस्ट्रेलिया कसोटी मालिका मोफत पाहता येणार; BCCI ने घेतला मोठा निर्णय

India vs Australia Test Series 2023: भारत आणि ऑस्ट्रेलिया यांच्यात 9 फेब्रुवारीपासून 4 सामन्यांची कसोटी मालिका खेळवली जाणार आहे. या मालिकेसाठी दोन्ही संघांनी तयारीही सुरू केली आहे. दरम्यान मालिकेसाठी बीसीसीआयने मोठ निर्णय घेतला आहे.

करोडो क्रिकेट चाहत्यांना बीसीसीआयने आनंदाची बातमी दिली आहे. भारतीय चाहत्यांना आता दोन्ही संघांमध्ये खेळली जाणारी ही मालिका मोफत पाहता येणार आहे. त्याची अधिकृत घोषणा करण्यात आली आहे.

भारत-ऑस्ट्रेलिया कसोटी मालिका स्टार स्पोर्ट्स तसेच डीडी स्पोर्ट्स फ्री टू एअर वाहिनीवर दाखवली जाईल. डीडी इंडियाने अधिकृतपणे पुष्टी केली आहे की तुम्ही 9 फेब्रुवारीपासून नागपुरात होणार्‍या पहिल्या कसोटी सामन्याचे प्रसारण डीडी स्पोर्ट्सवर देखील पाहू शकाल.

कसोटी मालिकेचं वेळापत्रक

पहिली कसोटी, 9-13 फेब्रुवारी, नागपूर

दुसरी कसोटी, 17-21 फेब्रुवारी, नवी दिल्ली

तिसरी कसोटी, 1-5 मार्च, धर्मशाळा

चौथी कसोटी, 9-13 मार्च, अहमदाबाद