त्रिनिदाद : भारत आणि वेस्ट इंडीज (India Vs West Indies) यांच्यात दुसरा वनडे सामना (2nd ODI) सुरू आहे. विंडीज विरूद्धच्या वनडे मालिकेत भारतीय संघातील वरिष्ठ खेळाडूंना विश्रांती दिली आहे. मात्र या स्टार खेळाडूंना त्याच्या चाहत्यांनी मात्र विश्रांती दिलेली नाही. भारताचा माजी कर्णधार विराट कोहली (Virat Kohli) विंडीजमधील मालिका खेळत नाहीये. मात्र त्याचे चाहते त्याला वेस्ट इंडीजमध्ये मिस करत आहेत. अशाच एका चाहत्याने दुसऱ्या वनडे दरम्यान एक पोस्टर झळकवले. सध्या हे पोस्टर सोशल मीडियावर चांगलेच व्हायरल होत आहे.
या चाहत्याने (Virat Kohli Fan) आपल्या हातात घेतलेल्या पोस्टरवर 'विराट कोहली तुला आम्ही मिस करतोय. राजा हा राजाच असतो.' असा मजकूर लिहिला होता. या पोस्टरद्वारे चाहत्याने विराट कोहलीला पडत्या काळात आपला खंबीर पाठिंबा दर्शवला आहे. विराट कोहली सध्या खराब फॉर्ममधून जात आहे. मात्र त्याचे चाहते अशा परिस्थितीतही त्याला पाठिंबा देत आहेत.
विराट कोहली वेस्ट इंडीज दौऱ्यावर तीन वनडे आणि पाच टी 20 सामन्यांची मालिका खेळण्यासाठी आलेल्या भारतीय संघात नाहीये. तो आता आशिया कप टी 20 स्पर्धेत भारतीय संघात परतेल अशी आशा आहे. विराट कोहलीने इंग्लंड विरूद्धच्या 2 वनडे सामन्यात फक्त 33 धावा केल्या आहेत. तर टी 20 मालिकेतील दोन सामन्यात 12 धाा केल्या. विराट कोहलीने एजबेस्टन कसोटीत देखील दोन्ही डावात 31 धावाच केल्या होत्या. दोन वर्षे उलटून गेली तरी विराट कोहलीच्या बॅटमधून शतकी खेळी निघालेली नाही.
विराट कोहलीने विश्रांती घेतली. तो विंडीज दौऱ्यावर खेळणार नाही म्हटल्यावर त्याच्यावर टीकेची झोड उठली होती. भारताचे माजी कर्णधार कपिल देव आणि सुनिल गावसकर यांनी या निर्णयावर आक्षेप घेतला होता. आता भारताचे माजी कर्णधार दिलीप वेंगसरकर देखील म्हणाले की, 'विराट कोहलीला विश्रांती देऊन एक चुकीचा संदेश देण्यात आला आहे.'
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.