Shubhman Gill: सारा अन् डेटिंग...शुभमन गिलनं दिली प्रेमाची कबूली

क्रिकेट आणि बॉलिवूड यांचे नाते सर्वांना सर्वश्रुत आहे. सध्या क्रिकटे जगतात शुभमन गिलच्या अफेअरची जोरदार चर्चा सुरू आहे. प्रसिद्ध अभिनेत्री सारा अली खान हिला डेट करत असल्याची माहिती समोर आली आहे. सारा अनेकदा क्रिकेटर शुभमन गिलसोबत स्पॉट झाली आहे. आता सारासोबतच्या डेटिंगच्या चर्चेवर शुभमननं मौन सोडलं आहे.(Indian cricketer Shubman Gill Dating Sara Ali Khan )

काही दिवसांपूर्वी, शुभमन गिल आणि सारा एका हॉटेलच्या आवारात दिसल्याचा व्हिडिओ व्हायरल झाला होता. अनेकदा दोघे रेस्टराँमध्ये स्पॉट झाले आहेत. त्यामुळे दोघांच्या अफेअरच्या चर्चेनं जोर धरला होता. आता या सर्वांवर स्वतः गिलने भाष्य केलं आहे.

दिली प्रेमाची कबुली?

शुभमन गिलनं प्रीती आणि नीती सिमोज यांच्या 'दिल दिया गल्ला' लोकप्रिय पंजाबी चॅट शोमध्ये हजेरी लावली होती. यावेळी त्याला, बॉलिवूडमधील तुझी सर्वात आवडती अभिनेत्री कोण आहे?; क्षणाचाही विलंब न करता शुभमनने लगेच साराचे नाव घेतले

इतकेच नव्हे तर गिलने प्रेमाची कबूलीदेखील दिली. साराला डेट करतोय का? असाही त्याला सवाल उपस्थित करण्यात आला. यावेळी तो थोडा लाजला. आणि म्हणाला, सारा का सारा सच बोल दिया. कदाचित हो कदाचित नाही.' गिलच्या या उत्तराने चाहत्यांच्या भुवया उंचावल्या आहेत.

साराच्या आधी सचिन तेंडूलकर यांची मुलगी सारा तेंडूलकरसोबत देखील शुभमनचं नाव जोडलं गेलं होतं. तर सारा आणि अभिनेता कार्तिक आर्यन यांच्या नात्याची चर्चा देखील सोशल मीडियावर सुरु होती.