MI ने चाहत्यांना दिली गुड न्यूज, 'हा' क्रिकेटर लवकरच होणार डॅडी

क्रिकेट जगतातून टीम इंडियासाठी खुशखबर आली आहे. टीम इंडियाचा दिग्गज क्रिकेटर लवकरच बाप होणार आहे. ही माहिती मुंबई इंडियन्स सोशल मीडियावर शेअर करत चाहत्यांनी दिली आहे.

टीम इंडियाचा वेगवान गोलंदाज विनय कुमार लवकरच वडिल होणार आहे. विनय कुमार बरेच वर्ष आंतरराष्ट्रीय क्रिकेट पासून लांब आहे. मात्र, तो या ना त्या कारणाने चर्चेत असतो. विनय २०२० पासून घरच्या मैदानातही दिसला नाही. विनय कुमार त्याच्या घातक गोलंदाजीसाठी ओळखला जातो, परंतु 2013 पासून तो टीम इंडियाचा भाग नाही.

मुंबई इंडियन्सने त्यांच्या ट्विटर हँडलवरून चाहत्यांना विनय कुमारचे वडील झाल्याची गोड बातमी दिली आहे. मुंबई इंडियन्सने विनय कुमार आणि त्याची पत्नी रिचा सिंग यांचा एक फोटो शेअर केला आहे, ज्यामध्ये रिचा गरोदर असून ती एका मुलाला जन्म देणार असल्याचे स्पष्टपणे दिसत आहे. त्याबद्दल मुंबई इंडियन्सनेही या दोघांचे अभिनंदन केले आहे.

विनय कुमारने टीम इंडियासाठी 1 कसोटी, 31 एकदिवसीय आणि 9 टी-20 सामने खेळले आहेत. विनयने ऑक्टोबर २०१३ मध्ये ऑस्ट्रेलियाविरुद्ध शेवटचा टी-२० आंतरराष्ट्रीय सामना खेळला होता. विनय कुमार हे भारताच्या देशांतर्गत क्रिकेटमधील एक प्रसिद्ध नाव आहे, तो कर्नाटककडून खेळतो. विनय कुमारची पत्नी रिचा सिंग बेंगळुरू येथील इंटिग्रिटी स्पोर्ट्स कंपनीची संचालक आहे.