IPL 2021 : MI ची पराभवाची परंपरा कायम; RCB नं दिली विजयी सलामी

मुंबई इंडियन्स आणि रॉयल चॅलेंजर्स यांच्यात शेवटच्या चेंडूपर्यंत रंगलेल्या अटितटीच्या सामन्यात अखेर किंग कोहलीच्या संघाने बाजी मारली. सलामीच्या सामन्यात दोन विकेट्स राखून विजय नोंदवत रॉयल चॅलेंजर्स बंगळुरुने आयपीएल स्पर्धेची सुरुवात विजयाने केलीय. मुंबई इंडियन्सने दिलेल्या 160 धावांचा पाठलाग करताना एबी डिव्हिलियर्सने मॅच विनिंग खेळी केली. विराट कोहली (33) आणि ग्लेन मॅक्सवेल (39) धावा केल्या. ही दोघे माघारी फिरल्यानंतर मॅच मुंबई इंडियन्सच्या बाजूने झुकली होती. मात्र एबीने 27 चेंडूत केलेल्या 48 धावांच्या जोरावर अखेर बंगळुरुला यश मिळाले. 2013 पासून आतापर्यंत सलामीच्या सामन्यात पराभूत होण्याची मुंबई इंडियन्सची  मालिका सुरुच राहिल्याचे पाहायला मिळाले. 

MIvsRCB : रोहित रन आउट; चूक कोणाची VIDEO पाहून तुम्हीच ठरवा

नाणेफेक गमावल्यानंतर रोहित शर्माने क्रिस लीनच्या साथीने डावाला सुरुवात केली. या दोघांनी पहिल्या विकेटसाठी अवघ्या 24 धावांची भागीदारी केली. रोहित शर्मा 19 धावा करुन धावबाद झाला. क्रिस लीन याने मुंबई इंडियन्सकडून सर्वाधिक 49 धावा केल्या. सुर्यकुमार यादव 31 धावा करुन माघारी फिरल्यानंतर ईशान किशन (28), हार्दिक पांड्या 13 धावा करुन परतल्यानंतर पोलार्ड (7) आणि क्रृणाल पांड्या (7) नावाला साजेसा खेळ करण्यात अपयशी ठरले. परिणामी मुंबई इंडियन्सचा डाव 9 बाद 159 धावांत आटोपला. 

IPL 2021; MIvsRCB : मॅक्सवेलचा 'मरिना बीच'वाला सिक्सर पाहून विराटही झाला आवाक (VIDEO)

या धावांचा पाठलाग करण्यासाठी विराट कोहलीने वॉशिंग्टन सुंदरच्या साथीने डावाला सुरुवात केली. ही जोडी मुंबईच्या सलामी जोडीपेक्षा सरस ठरली असली तरी 36 धावांवर बंगळुरुने आपली पहिली विकेट गमावली. रजत पाटीदारला संधीच सोन करता आलं नाही. तो 8 धावा करुन बाद झाला. त्यानंतर मॅक्सवेल आणि विराटने 50 + धावांची भागीदारी करुन सामन्यावर मजबूत पकड मिळवली. बुमराहने विराट कोहलीची विकेट घेत बंगळुरुला अडचणीत आणले. मार्कोने मॅक्सवेलला बाद केल्यानंतर सामना पुन्हा मुंबई इंडियन्सच्या बाजूने झुकला. पण एबीने शेवटपर्यंत खिंड लढवली. अखेरच्या 3 चेंडूत 3 धावांची गरज असताना दोन धाव घेण्याच्या नादात एबी बाद झाला. त्याने 48 धावांची महत्त्वपूर्ण खेळी केली. बंगळुरुकडून सर्वाधिक 5 विकेट्स टिपणाऱ्या हर्षल पटेलने विजय धाव घेतली.