टीम इंडिया रमली लहानपणीच्या आठवणीत, खेळत आहेत 'चिमणी उड...'

Viral Video: आयर्लंडविरुद्धच्या टी-20 मालिकेत धमाकेदार कामगिरी करत 2-0 असा विजय मिळवला. भारताचे अनेक खेळाडू इंग्लंडमध्येच थांबले आहेत. आता त्यांचा एक व्हिडिओ सोशल मीडियावर प्रचंड व्हायरल होत आहे. ज्यामध्ये अक्षर पटेल, हार्दिक पांड्या आणि स्टार सलामीवीर ईशान किशन चिडिया उड, कावळा उड खेळताना दिसत आहेत.(ishan kishan hardik pandya axar patel funny viral video)

'चिडिया उड, कावळा उड' हा खेळ आपण सर्वांनीच खेळला आहे. आता भारतीय खेळाडू चिडिया उड, कावळा उड वाला खेळत आहेत. या व्हिडिओमध्ये स्टार सलामीवीर ईशान किशन, आयर्लंड दौऱ्यावर संघाला विजय मिळवून देणारा हार्दिक पांड्या आणि जादूई फिरकी गोलंदाज अक्षर पटेल खेळत आहे. खेळाला सुरुवात होताच अक्षर पटेल काही वेळातच पकडला गेला. यानंतर तिघेही हसायला लागतात.

ईशान किशनने त्याच्या इंस्टाग्राम अकाउंटवरून हा व्हिडिओ पोस्ट केला आहे. अक्षर पटेल मैना उडवर थांबतो. त्यावर हार्दिक पांड्याने विचारले की मैना म्हणजे काय? यावर अक्षर पटेल म्हणतो की ती मोराची बहीण आहे. यानंतर तिघेही हसत बसतात. हा व्हिडिओ 5 लाखांहून अधिक वेळा पाहिला गेला आहे. या तिन्ही खेळाडूंनी भारतीय संघासाठी अनेक सामने स्वबळावर जिंकले आहेत.

हार्दिक पांड्याच्या नेतृत्वाखाली भारताने आयर्लंड दौऱ्यावर मालिका २-० ने जिंकली. कर्णधार म्हणून हार्दिक पांड्याने पुन्हा एकदा सर्वांची मने जिंकले आहे. त्याचवेळी इशान किशनने जबरदस्त खेळ दाखवला. आयर्लंडविरुद्धच्या या मालिकेत रोहित शर्मा, विराट कोहली, जसप्रीत बुमराह, ऋषभ पंत असे दिग्गज खेळाडू नव्हते, जे सध्या इंग्लंडमध्ये आहेत.