Indonesia Open: श्रीकांत-लक्ष्यचा पराभव, समीर-प्रणॉयने दुसरी फेरीत

किदांबी श्रीकांतला पुरुष एकेरीच्या पहिल्या फेरीत फ्रेंच खेळाडू ब्रिस लेव्हर्डेझकडून पराभव पत्करावा लागला.
indonesia open badminton
indonesia open badminton

Indonesia Open Badminton: भारताच्या एच. एस. प्रणॉयने लक्ष्य सेनचा पहिल्या फेरीच्या सामन्यात सरळ गेममध्ये पराभव करत बुधवारी येथील ‘इस्टोरान सेनायन’ येथे इंडोनेशिया ओपन ‘सुपर १०००’ स्पर्धेची दुसरी फेरी गाठली. एम. आर. अर्जुन आणि ध्रुव कपिला यांच्या पुरुष दुहेरी जोडीनेही दुसऱ्या फेरीत प्रगती केली. तर, किदांबी श्रीकांतला पुरुष एकेरीच्या पहिल्या फेरीत फ्रेंच खेळाडू ब्रिस लेव्हर्डेझकडून पराभव पत्करावा लागला.

वर्षाच्या सुरुवातीला लक्ष्यने ‘हेड-टू-हेड’ दोन सामन्यांत २-० अशी बाजी मारली होती. मात्र, आंतरराष्ट्रीय सर्कीटवर प्रणॉयने एकतर्फी विजय मिळवला. ३४ मिनिटे चाललेल्या या सामन्यात प्रणॉयने लक्ष्यला २१-१०, २१-९ असे पराभूत केले. प्रणॉयची पुढची लढत एनजी का लाँग एंगसशी होईल, तर ध्रुव-अर्जुनची लढत चीनच्या लियू यू चेन आणि औ झुआन यी यांच्याशी होईल, ज्यांनी पहिल्या फेरीत दुसऱ्या मानांकित अहसान-सेटियावानला पराभूत केले होते.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com