इंग्लंड दौऱ्यावर सिलेक्शनची गूड न्यूज 'प्रसिद्ध' झाली, पण... | Sakal
sakal

बोलून बातमी शोधा

prasidh krishna

इंग्लंड दौऱ्यावर सिलेक्शनची गूड न्यूज 'प्रसिद्ध' झाली, पण...

आयपीएल फ्रेंचायझी कोलकाता नाईट रायडर्स (KKR) आणि भारतीय संघातील (Team India) जलदगती गोलंदाज प्रसिद्ध कृष्णा (Prasidh Krishna) कोरोना पॉझिटिव्ह (Covid 19 Positive) आढळला आहे. आयसीसी वर्ल्ड टेस्ट चॅम्पियनशिप (ICC World Test Championship) आणि इंग्लंड दौऱ्यासाठीच्या (England Tour) कसोटी संघात त्याची नुकतीच निवड झाली होती. पण आता कोरोना रिपोर्ट पॉझिटिव्ह आल्यामुळे इंग्लंडला जाण्याची त्याची संधी हुकण्याची शक्यता निर्माण झाली आहे. कोरोनाचा रिपोर्ट पॉझिटिव्ह आलेला कोलकाताच्या ताफ्यातील तो चौथा खेळाडू आहे. यापूर्वी वरुण चक्रवर्ती, संदीप वारियर, न्यूझीलंडचा टि सीफर्ट यांना कोरोना झाल्याचे समोर आले होते. एएनआयने दिलेल्या वृत्तानुसार प्रसिद्ध कृष्णाचा कोरोना रिपोर्ट पॉझिटिव्ह आला आहे.

एक दिवसापूर्वीच आयसीसी वर्ल्ड टेस्ट चॅम्पियनशिप आणि इंग्लंड विरुद्धच्या पाच सामन्यांया कसोटी मालिकेसाठी भारतीय संघाची घोषणा करण्यात आली होती. इंग्लंडला जाणाऱ्या भारतीय संघात प्रसिद्ध कृष्णाला राखीव गोलंदाज म्हणून स्थान देण्यात आले होते. त्याच्याशिवाय अभिमन्यु ईश्वरन, आवेश खान आणि अर्जन नगवासवाला यांचा स्टँडबाय खेळाडूंच्या यादीत समावेश होता.

हेही वाचा: ... म्हणून हार्दिक पांड्याला टीम इंडियातून डच्चू

विराट कोहलीच्या नेतृत्वाखाली भारतीय संघ 18 जून रोजी न्यूझीलंड विरुद्ध आयसीसी वर्ल्ड टेस्ट चॅम्पियनशिपचा फायनल सामना रंगणार आहे. इंग्लंडला रवाना होण्यापूर्वी या दौऱ्यावर जाणारे खेळाडू 8 दिवस बायोबबलमध्ये राहणार आहेत. 25 मे पासून खेळाडू बायोबबलमध्ये असतील. आठ दिवसांचा क्वारंटाईन कालावधीनंतर विशेष चार्टर्ड प्लेनने टीम इंडिया इंग्लंडला रवाना होईल.

हेही वाचा: WTC Final साठी टीम इंडियाची घोषणा, असा आहे संघ

भारत आणि न्यूझीलंड यांच्यातील फायनल सामना साउथहॅम्टनच्या मैदानात रंगणार आहे. या सामन्यानंतर भारत आणि इंग्लंड यांच्यात पाच सामन्यांची कसोटी मालिका नियोजित आहे. 4 ऑगस्टपासून भारत आणि इंग्लंड यांच्यातील कसोटी मालिकेला सुरुवात होईल. नॉटिंघम येथे पहिला सामना खेळवण्यात येईल. 12 ते 16 ऑगस्ट दुसरा सामना लॉर्ड्सच्या मैदानात नियोजित आहे. 25 ते 29 ऑगस्ट तिसरा कसोटी सामना लीड्स, 2 ते 6 सप्टेंबर ओव्हल आणि 10 ते 14 सप्टेंबर रोजी मॅचेस्टरच्या मैदानात भारत आणि इंग्लंड यांच्यातील शेवटची लढत नियोजित आहे.

Web Title: Ipl 2021 Kkr And India Pacer Prasidh Krishna Tests Covid 19

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..