IPL 2023 Auction Mumbai Indians : मुंबई इंडियन्सला तब्बल 17.50 कोटी खर्चून मिळाली कायरन पोलार्डची रिप्लेसमेंट

IPL 2023 Auction Mumbai Indians : मुंबई इंडियन्सचा स्टार फिनिशर कायरन पोलार्डने आयपीएलमधून निवृत्ती घेतल्यानंतर त्याची जागा कोण घेणार हा चर्चेचा विषय झाला होता. मुंबई इंडियन्सने आयपीएल 2023 लिलावात त्याची रिप्लेसमेंट शोधली. मात्र त्यांना यासाठी तब्बल 17.50 कोटी रूपये खर्च करावे लागले.

ऑस्ट्रेलियाचा अष्टपैलू खेळाडू कॅमेरून ग्रीनसाठी पहिल्यापासूनच आक्रमकपणे बोली लावली जात होती. दरम्यान, दिल्ली कॅपिटल्स आणि मुंबई इंडियन्सने त्याला 15 कोटींपर्यंत पोहचवले. दिल्ली आणि मुंबईमध्येच त्याला आपल्या गोटात खेचण्यासाठी रस्सीखेच सुरू होती. अखेर मुंबई इंडियन्सने त्याला 17.50 कोटीला आपल्या गोटात खेचले.