IND vs IRE: टीम इंडियामध्ये 'जम्मू एक्सप्रेस'ची एन्ट्री; आयर्लंडविरुद्ध पदार्पण

इंडियन प्रीमियर लीगमध्ये आपल्या तुफानी गोलंदाजीने सर्वांना वेड लावणारा जम्मू-काश्मीरचा उमरान मलिक टीम इंडियासाठी पदार्पण झाली आहे. आयर्लंडविरुद्ध खेळल्या जाणाऱ्या पहिल्या टी-20 सामन्यात उमरान मलिकचा प्लेइंग-11 मध्ये समावेश करण्यात आला आहे. सामना सुरू होण्यापूर्वीच बीसीसीआयने उमरान मलिकला पदार्पणासाठी शुभेच्छा दिल्या. (ipl star jammu kashmir umran malik india debut india vs ireland match)

बीसीसीआयने आयर्लंडविरुद्ध टी-20 सामना सुरू होण्यापूर्वी ट्विट करून हे माहिती दिली. ट्विट करून लिहिले की, एक स्वप्न पूर्ण झाले आहे. उमरान मलिकने टीम इंडियासाठी टी-20 आंतरराष्ट्रीय क्रिकेटमध्ये पदार्पण केल्याबद्दल त्याचे खूप खूप अभिनंदन. उमरान मलिकला टीम इंडियासाठी टी-20 मध्ये कॅप क्रमांक-98 मिळाला आहे. टीम इंडियाचा सीनियर वेगवान गोलंदाज भुवनेश्वर कुमारने उमरान मलिकला कॅप दिली.

उमरान मलिकने इंडियन प्रीमियर लीग-2022 मध्ये आपल्या जबरदस्त कामगिरीने संपूर्ण क्रिकेट जगताला चकित केले. उमरान मलिकने सातत्याने 150 किमी प्रति तास वेगाने गोलंदाजी केली, आयपीएल इतिहासातील सर्वात वेगवान चेंडू टाकण्याच्या बाबतीत त्याचे नाव टॉप-3 मध्ये समाविष्ट झाले आहे. उमरान मलिकने आयपीएल सामन्यादरम्यान 157 किमी प्रति तासाच्या वेगाने चेंडू टाकला आहे. सनरायझर्स हैदराबादकडून खेळणाऱ्या उमरान मलिकने आयपीएल 2022 मध्ये 14 सामन्यांत 22 विकेट घेतल्या.