गुजरात टायटन्सने चेन्नई सुपर किंग्जने 134 धावांचे आव्हान 20 व्या षटकात 3 फलंदाजांच्या मोबदल्यात पार केले. गुजरातकडून सलामीवीर वृद्धीमान साहाने नाबाद 62 धावांची खेळी केली. चेन्नईकडून पदार्पण करणाऱ्या मथीशा पथिरानाने 2 विकेट घेतल्या. प्रथम फलंदाजी करणाऱ्या चेन्नईकडून सलामीवीर ऋतुराज गायकवाडने 53 धावांची खेळी केली. तर एन जगदीशाने नाबाद 39 धावांची खेळी केली. इतर फलंदाजांना फारसे यश आले नाही.
मथिशा पथिरानाने गुजरातचा कर्णधार हार्दिक पांड्याला 7 धावांवर बाद केले.
मोईन अलीने मॅथ्यू वेडला 20 धावांवर बाद करत गुजरातला दुसला धक्का दिला.
लसिथ मलिंगा सारखी बॉलिंग अॅक्शन असणाऱ्या मथिशाने शुभमन गिलला 18 धावांवर बाद करत धडाक्यात पदार्पण केले.
ऋुतुराज गायकवाड बाद झाल्यानंतर सीएसकेने पाठोपाठ दोन विकेट गमावल्या. अल्झारी जोसेफने शिवम दुबेला शुन्यावर तर मोहम्मद शमीने धोनीला 7 धावांवर बाद केले.
ऋतुराज गायकवाडने 49 चेंडूत 53 धावांची खेळी करत सीएसकेला शंभरी पार करून दिली. मात्र त्याची ही खेळी राशिद खानने संपवली.
ऋतुराज गायकवाड बरोबर दुसऱ्या विकेटसाठी 57 धावांची भागीदारी रचणारा मोईन अली 17 चेंडूत 21 धावा करून बाद झाला. त्याला साईकिशोरने बाद केले.
8/1 सीएसकेला पहिला धक्का, डेवोन कॉनवे शमीच्या चेंडूवर 5 धावा करुन बाद
गुजरात टायटन्स
रिद्धिमान साहा, शुभमन गिल, हार्दिक पंड्या, मॅथ्यू वाड, डेव्हिड मिलर, राहुल तेवतिया, अल्झारी जोसेफ, रशीद खान, मोहम्मद शमी, आर साई किशोर, यश दयाल.
चेन्नई सुपर किंग्ज
ऋतुराज गायकवाड, डेव्हॉन कॉनवे, मिचेल सँटनर, मोईन अली, एन जगदीसन, शिवम दुबे, एमएस धोनी, प्रशांत सोलंकी, सिमरजीत सिंग, मथिशा पाथिराना, मुकेश चौधरी.
IPL 2022 CSK vs GT Live Score: आयपीएलच्या चालू हंगामातील 62 वा सामना चेन्नई सुपर किंग्ज आणि गुजरात टायटन्स यांच्यात मुंबईच्या वानखेडे स्टेडियमवर खेळला जात आहे. चेन्नईचा कर्णधार महेंद्रसिंग धोनीने नाणेफेक जिंकून प्रथम फलंदाजी करण्याचा निर्णय घेतला आहे. गुजरात टायटन्स प्लेऑफसाठी पात्र ठरला आहे तर चेन्नईचा संघ या शर्यतीतून बाहेर पडला आहे. गुजरातने आतापर्यंत 12 पैकी 9 सामने जिंकले असून 18 गुणांसह संघ गुणतालिकेत अव्वल स्थानावर आहे. त्याच वेळी, चेन्नईने 12 पैकी 8 सामने गमावले आहेत आणि केवळ 4 सामने जिंकले आहेत. संघाचे 8 गुण आहेत.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.