IPL 2022, DC vs LSG: लखनौ सुपर जायंटने शेवटच्या सामन्यापर्यंत रंगलेल्या सामन्यात दिल्ली कॅपिटल्सचा 6 धावांनी पराभव केला. लखनौने 20 षटकात 3 बाद 195 धावा ठोकल्या होत्या. मात्र दिल्लीने 20 षटकात 7 बाद 189 धावा केल्या. लखनौकडून केएल राहुलने सर्वाधिक 77 धावा केल्या. तर दिल्लीकडून शार्दुल ठाकूरने 3 विकेट घेतल्या. या धावांचा पाठलाग करणाऱ्या दिल्लीच्या फलंदाजीला मोहसीन खानने भेदक मारा करत सुरूंग लावला. त्याने 4 विकेट घेतल्या. दिल्लीकडून अक्षर पटेलने 24 चेंडूत 42 धावा करत एकाकी झुंज दिली.
मोहसीन खानने दिल्लीचा धोकादायक अष्टपैलू खेळाडू शार्दुल ठाकूरला 1 धावेवर बाद केले. मोहसीन खानने दिल्लाचा चौथा फलंदाज गारद केला.
मोहसीन खानने दिल्लीला एका पाठोपाठ एक धक्के देण्यास सुरूवात केली. त्याने 21 चेंडूत 35 धावा करणाऱ्या रोव्हमन पॉवेलला बाद करत दिल्लीची अवस्था 6 बाद 146 धावा अशी केली.
मोहसीन खानने दिल्लीचा कर्णधार ऋषभ पंतचा 44 धावांवर असताना त्रिफाळा उडवला. याचबरोबर दिल्ली मोठा धक्का बसला.
कृष्णाप्पा गौतमने दिल्लीची जमलेली जोडी फोडली. त्याने मिशेल मार्शला 37 धावांवर बाद केले.
अवघ्या 13 धावांवर दोन्ही सलामीवीर माघारी गेल्यानंतर दिल्लीचा डाव मिशेल मार्श आणि कर्णधार ऋषभ पंतने सावरला. या दोघांनी दुसऱ्या विकेटसाठी 25 चेंडूत 60 धावांची भागीदारी रचली.
लखनौचे 195 धावांचे आव्हान घेऊन मैदानात उतरलेल्या दिल्लीची सुरूवात खराब झाली. धावफलकावर 13 धावा लागल्या असतानाच त्यांचे दोन्ही सलामीवीर पॅव्हेलियनमध्ये परतले. पृथ्वी शॉला चमीराने 5 तर डेव्हिड वॉर्नरला मोहसीन खानने 3 धावांवर बाद केले.
कर्णधार केएल राहुलच्या 77 तर दीपक हुड्डाच्या 52 धावांच्या जोरावर लखनौ सुपर जायंटने दिल्ली विरूद्ध 195 धावांचा डोंगर उभारला. दिल्लीकडून शार्दुल ठाकूरने 3 विकेट घेतल्या.
51 चेंडूत 77 धावांची आक्रमक खेळी करणाऱ्या केएल राहुलला अखेर शार्दुल ठाकूरने बाद केले.
केएल राहुल आणि दीपक हुड्डा यांनी दुसऱ्या विकेटसाठी दमदार 94 धावांची भागीदारी रचली. मात्र ही भागीदारी शंभरी गाठण्यापूर्वीच शार्दुल ठाकूरने दीपक हुड्डाला 52 धावांवर बाद केले.
सलामीवीर केएल राहुलच्या अर्धशतकापाठोपाठ दीपक हुड्डाने देखील आपले अर्धशतक पूर्ण केले.
लखनौ सुपर जायंटचा कर्णधार केएल राहुलने 35 चेंडूत अर्धशतक ठोकत संघाला बळकटी मिळवून दिली.
केएल राहुल आणि दीपक हुड्डा यांनी दुसऱ्या विकेटसाठी अर्धशतकी भागीदारी रचत लखनौ सुपर जायंटला 11 व्या षटकात शंभरी पार करून दिली.
42/1 - लखनौला डी कॉकच्या रूपात पहिला धक्का
शार्दुल ठाकूरने आपल्या पहिल्याच षटकात दिल्लीला यश मिळवून दिले आहे. क्विंटन डी कॉक २३ धावा करत झेलबाद झाला.
दिल्ली कॅपिटल्स प्लेइंग इलेव्हन
पृथ्वी शॉ, डेव्हिड वॉर्नर, मिचेल मार्श, ऋषभ पंत, ललित यादव, रोवमन पॉवेल, अक्षर पटेल, शार्दुल ठाकूर, कुलदीप यादव, मुस्तफिजुर रहमान, चेतन साकारिया
लखनौ सुपर जायंट्स प्लेइंग इलेव्हन
क्विंटन डी कॉक, केएल राहुल, दीपक हुडा, मार्कस स्टॉइनिस, आयुष बडोनी, क्रुणाल पंड्या, कृष्णप्पा गौतम, जेसन होल्डर, दुष्मंता चमीरा, मोहसिन खान, रवी बिश्नोई
लखनौने नाणेफेक जिंकली, दिल्लीचा संघ प्रथम गोलंदाजी करणार
लखनऊ सुपर जायंट्सचा कर्णधार केएल राहुलने नाणेफेक जिंकून दिल्ली कॅपिटल्सविरुद्ध प्रथम फलंदाजी करण्याचा निर्णय घेतला.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.