'कुछ तो बात है उसमे' फक्त कागद आणि पेन वापरून गुजरात टायटन्सला जिंकून दिलं

IPL 2022: IPL 2022: कर्णधार हार्दिक पंड्याची अष्टपैलू कामगिरी आणि शुभमन गिलच्या खेळीच्या जोरावर गुजरात टायटन्सने अहमदाबादच्या नरेंद्र मोदी स्टेडियमवर खेळल्या गेलेल्या IPL 2022 च्या अंतिम सामन्यात राजस्थान रॉयल्सचा 7 गडी राखून पराभव केला. पहिला हंगाम खेळणाऱ्या गुजरातने पहिल्यांदाच विजेतेपद पटकावले आहे. गुजरातच्या या यशामागे त्यांचे प्रशिक्षक आशिष नेहरा (Ashish Nehra) यांचेही मोठे योगदान आहे.

आशिष नेहरा मैदानावर फुल ऍक्टिव्ह मोडमध्ये दिसतो असतो. खेळाडूंसोबत त्याचा अनुभव शेअर करत असतो. दरम्यान आशिष नेहराशी संबंधित एक फोटो सोशल मीडियावर जोरदार व्हायरल होत आहे. ज्यात एकीकडे मुख्य प्रशिक्षक आणि इतर संघांचे सपोर्ट स्टाफ कागदावर रणनीती आखताना दिसत आहे. नेहराचे स्वतःची स्टाइल आहे. उलटी टोपी आणि कागद, पेनने आशिष नेहरा विरोधी संघाच्या पडझडीची कहाणी लिहीत असतो. आशिष नेहराशी संबंधित हा पण एक फोटो व्हायरल होत आहे. (Ashish Nehra Photo Viral)

व्हायरल फोटोवर युजर्सकडून तीव्र प्रतिक्रियाही येत आहे. 3 इडियट्सच्या प्रसिद्ध डायलॉगसह एक मीम शेअर करताना एका यूजरने लिहिले की, 'कुछ तो बात थी तो फक्त कागद आणि पेनने सामना जिंकत आहे. दुसरीकडे आणखी एका यूजरने नेहराशी संबंधित एक फोटो शेअर केला आहे, ज्यामध्ये नेहरा रशीद खानसोबत सीमारेषेवर चर्चा करताना दिसत आहे.

काहीही असो, गुजरात टायटन्स आयपीएल 2022 मध्ये आपला झेंडा फडकावला आहे. हार्दिक पांड्याचे कर्णधारपद आणि नेहराचे प्रशिक्षकपद सध्यातरी लक्ष्य वेधल आहे. सामना संपल्या नंतर पांड्या म्हणाला, “मी आणि आशू पा म्हणजेच आशिष नेहरा सहमत झालो की आम्हाला नेहमीच पाच गोलंदाज खेळवायचे आहेत. जे बहुतेक प्रसंगी आमच्यासाठी सामने जिंकू शकतात. मी टी-20 क्रिकेटमध्ये अनेकदा पाहिले आहे की हा फलंदाजांचा खेळ आहे, पण गोलंदाज तुम्हाला सामने जिंकायला लावतात.